‏Shiwétsiyediki Uyghurlar ezerbeyjanliqlarning namayishigha qatnashti

Ixtiyariy muxbirimiz éhsan
2016-04-11
Share
shiwetsiye-ezerbeyjan-uyghur-namayish.jpg Shiwétsiyede yashawatqan türkiy sistémisidiki ammiwi teshkilat ezaliri erméniyening ishghaligha qarshi qilghan naraziliq namayishtin körünüsh. 2016-Yili 9-aprél, sitokholm.
RFA/Éhsan

Shiwétsiyede yashawatqan türkiy sistémisidiki ammiwi teshkilat ezaliri 9- aprél küni shiwétsiyening paytexti sitokholmning merkizi sérgél meydanida, erméniyening ishghaligha qarshi naraziliq namayish qildi.

Namayish meydani ezeri, türk, türkmen, Uyghur qatarliqlarning dölet bayraqliri we türlük lozunkilar bilen tolghan bolup, namayishchilar ezerbeyjanning dölet shé'iri we milliy marshini oqudi. Ermenlerning qirghinchiliqlirini eyiblep sho'arlar towlidi we bayanatlar élan qilindi.

Bu qétimqi namayish shiwétsiye "Türk ishchilar fédratsiyuni", "Yawropa türk démokratlar birliki", "Ezerbeyjan fédratsiyuni", "Jenubiy ezerbeyjan istiqlal partiyisi", "Iraq türkmen fédratsiyuni" we "Uyghur ma'arip uyushmisi" qatarliq teshkilatlarning hemkarliqi bilen ötküzülgen bolup, shiwétsiyening yiraq ‏- yéqin sheherliridin kelgen 500 ge yéqin kishi qatnashti.

Namayishni teshkilligen ezerbeyjan teshkilatlar birlikining bashliqi abdusemet ependi namayish meydanigha kélip özliri bilen bir septe bolghan türk sistémisidiki qérindashliri qatarida Uyghurlarghimu rehmet éytidighanliqini bildürdi.

Arqidin sözge chiqqan herqaysi teshkilat bashliqliri we teshkilat wekilliri, erméniyening ishghalini eyiblesh bilen birge, her waqit ishghalchigha qarshi mezlumlar bilen birge ikenlikini bildürüshti.

Ezerbeyjan musteqil bolghandin kéyin, ezerbeyjanning tupriqining 20% i erméniye teripidin bésiwélin'ghan bolup, ötken hepte ikki terep chégrasida toqunush yüz bérip ikki tereptin köpligen eskerler ölgen we yarilan'ghan idi.

Shiwétsiyede pa'aliyet qiliwatqan Uyghur ma'arip uyushmisining türk jem'iyetlirige mes'ul mu'awin re'isi exmetjan türsun sözge teklip qilin'ghan bolup, u ziyaritimizni qobul qilip özining namayish meydanida qilghan sözide, Uyghurlargha wakaliten ezerbeyjan xelqining yénida bolidighanliqini, ishghalgha, zalimgha qarshi Uyghurlarning ezerbeyjan xelqige yardemde bolidighanliqini anglatqanliqini bildürdi.

Shiwétsiyediki siyasiy pa'aliyetchi abbas ependi ziyaritimizni qobul qilip, ezerbeyjan'gha oxshash qérindashlarning béshigha musibet kelgende, Uyghurlarningmu ular bilen bille turushining intayin muhim ehmiyiti barliqini bildürdi.

Namayish shu yer waqti 13:00 de bashlinip, 15:00 de axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet