Taylandning xatyay türmiside 140 neper musapir achliq élan qilghan

Muxbirimiz qutlan
2015.01.21
tayland-musapir-kichik-bala.jpg Tayland musapiler lagérida tutup turuluwatqan balilar we bu lagérdiki muhittin körünüsh. 2014-Yili.
Social Media
Tayland-uyghur-musapir-kesellik.jpg

Taylandiki Uyghur musapirlar türme shara'itining nacharliqidin yuqumluq tére késellikliri we bashqa késelliklerge giriptar bolghan. 2014-Yili 14-öktebir, taylan. RFA/Erkin Tarim

Tayland--uyghur-musapir-kesellik-1-305.jpg

Qizil yuqumi yuqumluq késellikining ipadisi. RFA

Tayland-uyghur-musapir-kesellik-2.jpg

Taylandiki Uyghur musapirlar türme shara'itining nacharliqidin yuqumluq tére késellikliri we bashqa késelliklerge giriptar bolghan. 2014-Yili 14-öktebir, taylan. RFA/Erkin Tarim

Tayland-uyghur-musapir-kesellik-3.jpg

Taylandiki Uyghur musapirlar türme shara'itining nacharliqidin yuqumluq tére késellikliri we bashqa késelliklerge giriptar bolghan. 2014-Yili 14-öktebir, taylan. RFA/Erkin Tarim

Tayland-uyghur-musapir-kesellik-4.jpg

Taylandiki Uyghur musapirlar türme shara'itining nacharliqidin yuqumluq tére késellikliri we bashqa késelliklerge giriptar bolghan. 2014-Yili 14-öktebir, taylan. RFA/Erkin Tarim

Tayland-uyghur-musapir-kesellik-5.jpg

Taylandiki Uyghur musapirlar türme shara'itining nacharliqidin yuqumluq tére késellikliri we bashqa késelliklerge giriptar bolghan. 2014-Yili 14-öktebir, taylan. RFA/Erkin Tarim

Igilishimizche, taylandning xatyay shehiridiki bir türmige qamalghan 140 neper musapirning ikki kündin buyan achliq élan qilghanliqi melum.

Bu uchurlarni mezkur türmide achliq élan qilishqa qatnashqan, emma isim-sheripini ashkarilashni xalimaydighan bir musapir radi'omiz ziyariti dawamida ashkara qildi.

Uning bildürüshiche, xatyay shehirige jaylashqan bu türmining shara'iti pewqul'adde nacharliship ketken. Bu yerge qamalghan 140 neper musapir bir yilgha yéqin daq sémont üstide yétish, nachar tamaq we sap hawaning kemchil bolushi tüpeyli jismaniy we rohiy jehettin chidighusiz ehwalda qalghan.

Uning üstige, taylandtiki birqanche türme we tutup turush lagérlirigha qamalghan 400 ge yéqin musapirlar az kem bir yilgha yéqin tutqunluq hayatida sirtqi dunya bilen bolghan alaqisi asasen üzülgen. Er bilen xotun, ata-ana bilen bala chaqilar bir-biri bilen ayrilip qamilish jeryanida éghir rohiy zerbige uchrighan.

Melum bolushiche, xitay bash ministiri li kéchyangning taylandqa bérishi, andin tayland bash ministirining xitayni ziyaret qilishidin kéyin, tayland türmiliride tutup turuluwatqan musapirlargha bolghan mu'amilide biraqla özgirish bolghan. Türme saqchilirining tutqundiki musapirlarni xarlishi, yanliridiki pullirini axturup éliwélishi hetta ularni dumbalishi köpeygen.

Ziyaritimizni qobul qilghan melum musapirning bildürüshiche, xatyay türmisidiki 140 neper musapir tünügün, yeni tayland waqti boyiche charshenbe künidin bashlap kolléktip achliq élan qilghan. Ular tamaq tashlash bilen bir waqitta su we bashqa ichimlik ichishnimu ret qilghan.

Türme da'iriliri ulargha “Egerde siler heqiqeten türkiye puqrasi bolidighan bolsanglar, türkiye terep silerning öz puqrasi ikenlikinglarni ispatlaydighan xet chiqirip bersila biz silerni qoyup bérimiz”  dégen.

Melumki, xatyay türmisige qamalghan musapirlardin 3 yashliq abdulla buningdin bir ay burun türmide yuqturuwalghan tubérkulyoz késelliki bilen qaza qilghan idi.

Ziyaritimizni qobul qilghan mezkur türmidiki musapirlar yene munularni bildürdi: “Abdullaning ölümidin kéyinmu bizning ehwalimizda héchqandaq yaxshilinish bolmidi, belki ehwalimiz kündin-kün'ge nacharliship kétiwatidu. Her xil késellerge giriptar bolup aylarche yétip ketken bimarlar téxiche dawalinish shara'itigha érishelmeywatidu. Éghir késellik we ozuqluq yétishmeslik tüpeyli aldinqi küni hoshidin ketken bir chong yashliq ayal téxiche hoshigha kelmidi. Bu yerdiki échinishliq ehwalni körgen herqandaq bir insan chidimaydu.”

Ular yene ziyaritimiz jeryanida munularni bildürdi: “Bizmu insan, bizningmu normal ademlerdek yashash we erkinliktin behrimen bolush hoquqimiz bar dep qaraymiz. Biz yurtimizda héch bir jinayet sadir qilghan insanlar emesmiz, peqetla diniy we milliy zulumgha chidimay yurtimizni tashlap erkinlik izdep chiqqanmiz. Bu yerdin qachan qutulushimizni, kelgüsi teqdirimizning qandaq bolushini bilmeymiz. Chet'ellerdiki qérindashlardin we taylandtiki musulmanlardin kéliwatqan bir qisim insaniy yardemler az bolsimu türlük usullar bilen qolimizgha tegdi. Biz bizge yardem qolini sun'ghan shundaqla bizning erkinlikke chiqishimiz üchün küch chiqarghan barliq qérindashlargha rehmitimizni bildürimiz!..”

(Dawami bar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.