Uyghur pa'aliyetchi: bangkoktiki gumandar ikki Uyghur yardemge mohtaj

Ixtiyariy muxbirimiz pida'iy
2016.05.24
Share on WhatsApp
Share on WhatsApp
tayland-partlitish-bilen-eyiplengen-uyghur-sot.jpg Bangkoktiki partlitish bilen eyibliniwatqan 2 Uyghur gumandar 2-qétimliq sotidin qaytip chiqmaqta. 2016-Yili may, tayland.
RFA/Pida’iy

Gollandiyede yashawatqan siyasiy pa'aliyetchi, aktiyor abdusalam niyaz ependi Uyghur muhajirlirigha alaqidar bir filimning pilani bilen yéqinda taylandning bangkok shehirige bérip, bir hepte turup qalghan.

Bu jeryanda bangkoktiki musapirlarni tutup turush lagérini ziyaret qilghan we bangkoktiki partlitish enzisi bilen munasiwetlik dep qarilip guman bilen qolgha élinip hazirgha qeder bangkok türmiside yétiwatqan ikki Uyghurning ikkinchi qétimliq sotigha qatnashqan we mezkur ikki Uyghur bilen körüshüsh pursitige érishken. Shu munasiwet bilen abdusalam niyaz ependi ziyaritimizni qobul qilip, körgenlirini radiyo anglighuchilar bilen ortaqlashti.

Abdusalam niyaz ependi özining tayland sepiri toghriliq melumat bérip, Uyghur muhajirlirigha alaqidar bir filimning éhtiyaji bilen 2016‏-yili 10‏-may taylandning bangkok shehirige barghanliqini, shu yerdiki kishilik hoquq teshkilati we adwokatlar birleshmisidikilerning yéteklishi bilen bangkoktiki musapirlarni yéghiwélish ornigha ziyaretke barghanliqini, körünüshlerni süretke élish jeryanida, awarichiliklerge uchrighanliqini, bangkoktiki partlitish weqesining gumandarliri dep tutup turuluwatqan ikki Uyghurning 2‏-qétimliq sotlinish ehwalini körgenlikini we mezkur ikki Uyghur bilen körüshüp ularning pütün dunyadiki wetendashlirigha yollighan salimini élip kelgenlikini éytip berdi.

Igilishimizche, hazirgha qeder mezkur weqege alaqidar jinayi pakitlarning yéterlik bolmasliqigha baqmay, bu ikki Uyghurning naheq tutup turuluwatqanliqi we türmide insaniy heq-hoquqliridin mehrum halda yene qanchilik xarlinidighanliqini héchkim bilmeydiken.

Yaponiyede turuwatqan kishilik hoquq pa'aliyetchisi ilham mexmut ependimning qarishiche, bu ikki Uyghurning teqdiri toghriliq bir nerse déyish téxi baldur iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet