Enqerediki tayland bash elchixanisi aldida namayish ötküzüldi

Ixtiyariy muxbirimiz erkin tarim
2014-12-29
Share
tayland-elchiliki-aldida-namayish.jpg Enqerediki tayland bash elchixanisi aldida ötküzülgen taylandtiki 300 Uyghurni xitaygha qayturup bermeslik toghrisidiki namayish. 2014-Yili 29-dékabir, türkiye.
RFA/Erkin Tarim

29-Dékabir küni, taylandtiki Uyghurlarning teqdiri mesilisi heqqide taylandning enqerediki bash elchixanisi aldida namayishlar ötküzüldi.

Sherqiy türkistan medeniyet we hemkarliq jem'iyiti enqere shöbisi bilen türkiye kadirlar uyushmisi birlikte uyushturghan bu namayishqa, kadirlar uyushmisi mu'awin re'isi fahrettin yoqush ependi, iraq türkmenliri jem'iyiti re'isi mexmut qasapoghlu ependi, türk yörük türkmenliri jem'iyiti mu'awin re'isi xanlar qoja ependi we ghazi uniwérsitéti oqughuchiliridin bolup köp sanda kishi qatnashti. Ular hemmisi qollirigha ay yultuzluq kök bayraq bilen "Türkiye uxlima, qérindashliringgha ige chiq, taylandtiki 300 Uyghur bigunah, taylandtiki 300 Uyghur xitaygha qayturup bérilmisun we Uyghurlargha erkinlik" dégendek sho'arlar yézilghan lozunkilarni kötürüwalghan halda taylandning enqerede turushluq elchixanisi aldida namayish ötküzdi.

Namayish bashlashtin burun sherqiy türkistan ma'arip we hemkarliq jem'iyiti enqere shöbisi bashliqi xeyrullah efendigil ependi muxbirlargha bayanat berdi. U, bayanatida xitayning bésimigha chidiyalmay chet'elge qéchishqa mejbur qalghan bu Uyghurlarning türkiyege élip kélinishi üchün birleshken döletler teshkilati, xelq'ara kishilik hoquqlirini qoghdash teshkilatlirining küch chiqirishi kéreklikini, bu Uyghurlar xitaygha qayturup bérilgen teqdirde ziyankeshlikke uchraydighanliqini bildürdi. U, bayanatida tayland hökümitini dölitige panahliq tilep kelgen 300 Uyghurni türkiyege bérishke chaqirdi.

Namayishqa qatnashqan bir qisim türk oqughuchilar hem Uyghur ziyaliyliridin azadjan bughda ependi özlirining Uyghur qérindashlirigha bolghan hésdashliqini we tileklirini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet