Türk dunyasi tetqiqat weqpide Uyghur mesilisi muhakime témisi boldi

Ixtiyariy muxbirimiz erkin tarim
2015-01-21
Élxet
Pikir
Share
Print
Türk dunyasi tetqiqat weqpining "Sherqiy türkistan tragédiyisi" témisidiki yighinidin körünüsh. 2015-Yili yanwar, türkiye.
Türk dunyasi tetqiqat weqpining "Sherqiy türkistan tragédiyisi" témisidiki yighinidin körünüsh. 2015-Yili yanwar, türkiye.
RFA/Erkin Tarim

Türk dunyasi tetqiqat weqpi 25 yildin béri uyushturup kéliwatqan "Süleymaniye munbiri doklatliri" témisidiki doklat bérish yighinining ötken hepte axiridiki témisi "Sherqiy türkistan tragédiyisi" dep ataldi. Istanbul uniwérsitéti yawro-asiya institutining zalida ötküzülgen doklat bérish yighinida sherqiy türkistan weqpining sabiq bash katipi, Uyghur xewer we tetqiqat merkizining mes'ulliridin hamut göktürk ependi doklat berdi.

Istiqlal marshi we shéhitlarning rohigha sükütte turush bilen bashlan'ghan yighinning échilish nutqini türk dunyasining tetqiqat weqpi mes'ullirin métin köse ependi qildi. Arqidin tonulghan tarixchi, mimarsinan uniwérsitéti oqutquchisi proféssor gülchin chandarli'oghlu xanim Uyghurlarning omumiy türk tarixidiki orni toghrisida qisqiche melumat bergendin kéyin, hamut göktürk ependini sözge teklip qildi.

U, sözini ömrini sherqiy türkistan dewasigha atighan türk dunyasi tetqiqat weqpining qurghuchisi we sabiq mudiri merhum turan yazghan ependini eslesh bilen bashlidi. U, sözide hazir sherqiy türkistanning weziyitining intayin jiddiy ikenlikini, bundaq bir weziyette sherqiy türkistan dewasigha köngül bölüwatqan siyasetchi, bilim ademliri, dölet rehberliri we tetqiqatchilarning bu yerde jem bolushning ehmiyetining intayin zor ikenlikini tekitlidi.

Hamut göktürk ependi doklatida nuqtiliq halda töwendiki témilar üstide toxtaldi doklatida sherqiy türkistanning tarixtiki we bügünki orni we ehmiyiti, xitayning hazirqi siyasiti we Uyghurlarning weziyiti hem bashqilar heqqide melumat berdi.

Tepsilatini awaz ulinishidin anglighaysiler.

Toluq bet