Uyghur wekiller türkiye sehiye ministiri bilen körüshti

Ixtiyariy muxbirimiz erkin tarim
2016-04-11
Élxet
Pikir
Share
Print
Türkiye sehiye ministiri memet mü'ezinoghlu ependi parlamént binasidiki ishxanisida d u q mu'awin re'isi séyit tümtürk ependini bilen. 2016-Yili 7-aprél, enqere.
Türkiye sehiye ministiri memet mü'ezinoghlu ependi parlamént binasidiki ishxanisida d u q mu'awin re'isi séyit tümtürk ependini bilen. 2016-Yili 7-aprél, enqere.
RFA/Erkin Tarim

D u q rehberlirining telipige bina'en 7-aprél küni chüshtin türkiye sehiye ministiri memet mü'ezinoghlu ependi séyit tümtürk bashchiliqidiki Uyghur hey'itini parlamént binasidiki ishxanisida qobul qildi. Uchrishishta wekiller, Uyghur musapirlarning heqsiz dawalinishi mesilisi toghrisida teyyarlighan telep xétini sehiye ministirigha sundi.

Qeyseridiki musapir Uyghurlar gha yardem xizmetliri bilen shughulliniwatqan sherqiy türkistan medeniyet we hemkarliq jem'iyiti re'isi séyit tümtürk ependi 7-aprél küni enqerege kélip, sehiye ministiri memet mü'ezinoghlugha Uyghur musapirlarning heqsiz dawalinish mesilisini hel qilish heqqidiki teleplirini anglatti. Biz bu uchrishish heqqide téximu tepsiliy melumat igilesh üchün séyit tümtürk ependige mikrofonimizni uzattuq.

U, 7-aprél küni türkiye sehiye ministiri memet mü'ezinoghlu ependi bilen bir sa'et körüshkenlikini, körüshüsh jeryanida Uyghur musapirlarning heqsiz dawalinish mesilisi toghrisidiki teleplirini otturigha qoyghanliqini, sehiye ministirining buninggha jawab béridighanliqini éytqanliqini bayan qildi.

Séyit tümtürk ependi 2014-2015-yillirida malayshiya we tayland arqiliq qeyserige kelgen 1000 etrapida Uyghur, bezi doxturxanilarning yardem qilishi bilen heqsiz dawaliniwatqan bolsimu, türkiyening bashqa sheherliridiki musapir Uyghurlarning dawalinish jehette zor qiyinchiliqlargha duchar boluwatqanliqini bayan qildi.

Qeyseride turuwatqan Uyghur musapir dilshat ependi Uyghur musapirlarning eng zor qiyinchiliqining dawalinish ikenlikini, biri késel bolup qalsa, pul yighiship dawalitiwatqanliqini sözlidi.

Dilshat ependi türk xelqining Uyghurlargha hésdashliq qilip qérindash Uyghur musapirlargha néme üchün heqsiz dawalinish heqqi bermeysiler dep naraziliq bildürüwatqanliqini, hökümettin bu heqte téxi bir jawab chiqmaywatqanliqini inkas qildi.

Bezi mutexessisler türkiyening bu Uyghurlargha heqsiz dawalinish heqqi bermeslikidiki asasiy sewebning xitay dölitining türkiye hökümitige bolghan bésimi ikenlikini ilgiri sürmekte. Biz bu heqtiki köz qarishini élish üchün istratégiyilik chüshenche instituti mutexessisi doktor erkin ekremdin soriduq.

Doktor erkin ekrem ependi Uyghur musapirlar mesilisini hel qilish üchün Uyghur ammiwi teshkilatlirining türk parlaméntida mesilini yaxshi anglitishi kéreklikini bayan qildi

Qimmetlik radi'o anglighuchilar, ishenchlik menbelerdin igiligen melumatlargha asaslan'ghanda, 2014-yilining otturiliridin 2015-yilining axirighiche türkiyege kelgen Uyghur musapirlarning sani 7 ming etrapida bolup, türkiyediki Uyghur ammiwi teshkilatliri bularning qiyinchiliqliri toghrisida doklat teyyarlap türkiye rehberlirige sun'ghan bolsimu, hel qilish toghrisida téxiche konkrét jawab bérilmigen.

Toluq bet