Tyen'enmén hujumigha yene bir éhtimal seweb- pilal meschit weqesi ashkarilandi

Tyen'enmin hujumchisi osman hesen we a'ilisining ehwalini éniqlashlirimiz dawamida osman hesenning tyen'enmén'ge hujum qilishigha türtke bolghan bir qatar sewebler ilgiri sürüldi. Mana bulardin osman hesenning mehelliside yüz bergen pilal meschit weqesidur.

Anglighuchilirimizdin birining inkas qilishiche, bultur 10-ayning 28-küni aqtuning üjme yéza yéngi'aymaq kentidiki pilal meschitte saqchi we kadirlar bilen meschit jama'iti arisida majira yüz bergen. Weqege osman hesenmu ishtirak qilghan bolup, u majira axirida jama'etke teselli bérip “Biz bügün yéngilduq, chünki bizde qoral yoq, emma meyüslenmenglar, biz charisiz emes” dégen. Bu anglighuchining bayan qilishiche, osman hesen ene shu pilal meschit weqeside qilghan sözige asasen tyen'enmén hujumini élip barghan. Muxbirimizning igileshliri dawamida, osman hesenning neq shu weqege qétilghan-qétilmighanliqi aydinglashmighan bolsimu, emma pilal meschit weqesining rastinila yüz bergenliki ashkarilandi.

Tepsilatini yuqiridiki awaz ulinishidin anglighaysiz.