Tyen'enmén hujumi yüz bergen küni Uyghur ghayiblar a'ile-tawabi'atliri omumyüzlük “Yoqlima” qilin'ghan

Tyen'enmén hujumi yüz berginige 15 kün boldi. Gerche weqening yüz bérishige xitay hakimiyitige bolghan qarshiliqni ipadileshning asasliq seweb ikenliki ap'ayding bolsimu, emma weqege hujumchilarning shexsiy we a'ile hayatidin némilerning türtke bolghanliqi yaki qoshumche rol oynighanliqi téxiche melum emes. Weqe yüz bergendin kéyinki texmin qilin'ghan sewebler qatarida, hujumchi osman hesenning mehelliside yüz bergen pilal meschit weqesi, osman hesenning inisi ablikim hesenning suyiqestke uchrap qaza tapqanliqi, shundaqla yene osman hesenning uruq-tughqanliridin birining 5-iyul weqesidin kéyin ghayib bolup ketkenliki tilgha élin'ghan idi.

Muxbirimizning bügünki igileshliri dawamida axirqi texminningmu orunsiz emesliki ispatlandi. Melum bolushiche, xitay saqchiliri neq weqe yüz bergen küni chüshtin kéyin Uyghur rayonidiki ghayiblar a'ile-tawabi'atlirini omumyüzlük halda tekshürüp chiqqan.

Yuqiridiki awaz ulinishidin bu heqte igilen'gen melumatlarni anglighaysiler.