Җәнвәдә чақирилған у н п о йиғинида уйғурлар мәсилиси музакирә қилинди

Ихтияри мухбиримиз әкрәм
2016-11-28
Share
marino-busdachin-1 У н п о рәиси марино басдухен әпәнди уйғур муһаҗирлар мәсилиси йиғинида. 2016- Йили 27-апрел берлин, германийә
RFa

25 - Ноябир б д т ниң җәнвәдики баш шитабида б д т кишилик һоқуқ кеңиши тәрипидин чақирилған " аз санлиқлар мунбири" йиғини ахирлашқандин кейин, 26-, 27 - ноябир күнлири йәнә вәкаләтсиз милләтләр тәшкилатиниң иҗраийә комитети йиғини болуп өткән. Д у қ баш катипи, өз нөвитидә йәнә у н п о иҗраийә комитети әзаси болған долқун әйса әпәндиму йиғинға қатнашқан.

У н п о өз низамнамисигә көрә, һәр икки йилда омумий қурултай, һәр йерим йилда бир қетим иҗраийә комитети йиғини чақиридиған болуп, бу қетим җәнвәдә өткүзүлгән йиғинида мәзкур тәшкилатниң илгирики 6 айлиқ хизмәт доклати тәқдим қилинған вә келәр 6 айлиқ хизмәт пиланлири музакирә қилинған.

Д у қ баш катипи долқун әйса әпәндиниң бу хусуста бәргән мәлуматлириға асасланғанда, йиғинда йәнә у н п о ға әзалиқ илтимаси сунған бир қисим дөләт вә милләтләрниң илтимаси көздин көчүрүлгән. У н п о да әзалиқ вәзиписини ада қилалмиған косува дөлити әзалиқтин қалдурулған, ирақ түркмәнлириниң әзалиқ салаһийити тоңлитилған. У н п о ниң киләр йили чақирилидиған омумий қурултийини тәйвән вәкиллириниң илтимаси билән тәйбейдә өткүзүш яки шотландийәниң илтимаси билән пайтәхт единбургда өткүзүш вәяки йеңидин мустәқил болға афғазийәдә өткүзүш мәсилилириму музакирә қилинған.

У н п о бу қетимқи йиғинида 2017 - йили д у қ билән һәмкарлишип б д т вә яврупа парламентида бирликтә өткүзидиған бәзи муһим қурултай яки йиғинларниң күнтәртибидә пикир бирлики һасил қилған.

Мәзкур йиғинда йәнә уйғурлар мәсилиси, җүмлидин уйғур муһаҗирлири мәсилисиму музакирә темиси болған.

Аян болғинидәк, 23 - ноябир б д т ниң хәлқаралиқ кишилик һоқуқ мәркизидә у н п о, хәтәр астидики милләтләрни қоғдаш тәшкилати вә окихфорд университетиниң саһипханлиқида 4 - нөвәтлик " вәкаләтсиз милләтләрниң дипломатийә курси" йиғини чақирилған болуп, йиғиндин кейин у н п о вәкиллири б д т алий комиссарлиқи муһаҗирлар бөлүмигә һиндистандики 3 нәпәр уйғурға җиддий игә чиқиш илтимасида болунған. Хәтәр астидики милләтләрни қоғдаш тәшкилатиму б д т алий комиссари филиппо грандиға алаһидә мәктуп йоллап  адил, абдухалиқ, абдусаламларни өлүм тәһдитидин қутулдурушни мураҗиәт қилған.

Адил, абдухалиқ, абдусалам қатарлиқ 3 уйғур 2013 - йили 6 - айда һиндистанниң султан чуску дегән җайида чегрида қолға елинған болуп, 18 айлиқ қамақ җазасидин кейин һиндистан һөкүмити тәрипидин хитайға қайтурулуп берилиш хәвпигә дуч кәлмәктә иди вә бу вәқә хәлқарада түрлүк инкасларға сәвәб боливататти.

Хәтәр астидики милләтләрни қоғдаш тәшкилати асия ишлири бөлүминиң мәсули улрик делиюс әпәнди бу һәқтә зияритимизни қобул қилип мундақ дәйду: " уйғурлар вә тибәтләрниң кишилик һоқуқи қошна дөләтләрдиму дәпсәндә қилинмақта. Бәзи дөләтләр хитай һакимийитидин қорқуп яки кишилик һоқуқ әһдинамилиригә сәл қарап уйғурларға һәқсиз муамилиләрдә болмақта. Б д т алий комиссари филиппо грандениң һиндистан баш министери нарендра модедин хәлқара кишилик һоқуқ әһдинамилиригә вә инсанпәрвәрликкә риайә қилишни тәләп қилиш мәҗбурийити бар һәмдә хитайға қайтурулуш хәвпидә туруватқан 3 уйғурни қоғдап қелиш мәҗбурийитини барлиқ кишилик һоқуқ тәшкилатлири җиддий һес қилиши лазим. Әксичә тәқдирдә, бу уйғурлар  ши җинпиң һөкүмити тәрипидин я өлүмгә буйрулиду, я муддәтсиз қамақ җазасиға йолуқиду яки ғайип болуп кетиду. Биз мана бу һәқтә вәкаләтсиз милләтләр тәшкилати билән бирликтә мураҗиәтләрдә боливатимиз."

Мәлумки, у н п о уйғурларни өз ичигә алған 45 хәлқаралиқ тәшкилаттин тәркип тапқан кишилик һоқуқ оргини болуп, б д т да вәкили болмиған дөләт вә милләтләрдин түзүлгән  мәзкур тәшкилат уйғур сиясий әрбаблиридин әркин алиптекинниң тәшәббуси билән 1991 - йили голландийәниң дәнхаг шәһҗридә қурулған. Униң 4 нөвәтлик рәис яки баш катиплиқ вәзиписини әркин алиптекин әпәнди үстигә алған. 2008 - Йилидин башлап долқун әйса әпәнди у н п о иҗраийә комитетиға әза болуп сайланған. У н п о қурулғандин һазирға қәдәр көплигән паалийәтлирини д у қ билән һәмкарлишип елип бармақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт