Uyghur déhqanlirining xitay yer igilirige yallanma boluwatqanliqi melum

Ixtiyariy muxbirimiz ruqiye
2013-12-19
Share
ghurbet-uyghur-boway-namrat-305.jpg Qeshqerdiki bir namrat Uyghur boway. (Waqti éniq emes)
RFA/Ekrem


Xitay jama'et xewpsizlik ministirliqi 260 milyon yéziliq köchmen xitaygha, sheher nopusi bérilgenlikini bildürgen bolsimu, bu siyaset sheherlerge bérip ishlesh arzusidiki Uyghurlargha toghra kelmigen.

Yéri az, jan sani köp bir déhqanning bildürüshiche, u jan saqlash üchün sheherlerde ishlimekchi bolghan, emma sheherde nopus bérilmigechke öy ijarige alalmighan. U axiri Uyghur yurtlirigha yéngi kélip keng kölemde yer igilewatqan xitay köchmenlirige yallanma bolushqa mejbur bolghan.

Bu heqte toxtalghan Uyghur ziyaliysi bu xil haletning yéngi yanchiliq tüzümini wujudqa chiqirip Uyghurlarni her jehettin keynige chékindüridighanliqini bildürdi.

Biz xitay köchmenlirige yallanma bolup ishleshke mejbur bolghan déhqan a'ilisidin bireylenni ziyaret qilduq. 4 Balisi bolghan bu déhqan a'ilisige xitay hökümiti peqet ikki mo yer bergen bolup, ziyaritimizni qobul qilghan déhqan, bezi Uyghur déhqanlirigha peqetla yer bérilmigenlikini éytidu.

Biz kanadada yashawatqan Uyghur yazghuchisi ghulam osman ependini bu toghrida ziyaret qilip, Uyghurlargha qaritilghan yersiz we nopussiz qaldurulush siyasitining aqiwiti toghrisida toxtaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet