Асияда әркинлик вә демократийә бирлики йиғинида уйғурлар доклат бәрди

Ихтиярий мухбиримиз һаҗи қутлуқ қадири
2015.10.26
Share on WhatsApp
Share on WhatsApp
ilham-mexmut-sozde.jpg “асияда әркинлик вә демократийини илгири сүрүш бирлики” тәшкилатиниң муавин рәиси илһам мәхмут мәзкур тәшкилатниң 5-нөвәтлик йиғинида ечилиш нутқи сөзлимәктә. 2015-Йили 20-өктәбир, токйо.
RFA/Qutluq

20-Өктәбир токйодики такушоко университетиниң йиғин залида “ асияда әркинлик вә демократийини илгири сүрүш бирлики” тәшкилатиниң 5-нөвәтлик йиғини ечилди.

Йиғинға японийәдә паалийәт елип бериватқан асия әллири кишилик һоқуқ тәшкилатлириниң вәкиллири, тәтқиқатчилар вә парламент әзалиридин болуп, җәмий 80 гә йеқин киши қатнашти.

Асияда әркинлик вә демократийини илгири сүрүш бирлики тәшкилати 2011-йили токйода тибәтләрниң тәшәббуси уйғур, моңғул, демократик хитайларниң қоллиши билән қурулуп японийәдә паалийәт елип бериватқан болуп, тәйвән, бирма, бутан, малайшия, бенгал вә вийетнам қатарлиқ дөләтләрниң аммиви тәшкилатлири әза болған.

Бу қетимқи йиғинда уйғурларға вакалитән уйғур сиясий актиплиридин гүлистан ханим нөвәттә уйғурлар дуч келиватқан қош тиллиқ маарип тоғрисида доклат бәргән.

Шу күни чүштин кейин саәт бирдә башланған йиғинниң ечилиш нутқини мәзкур тәшкилатниң муавин рәиси илһам мәхмут сөзлигән.

Илһам маһмутниң билдүрүшичә, йиғинда уйғур, тибәт, демократик хитай вәкиллириму сөз қилған болуп, улар доклатлирида нөвәттики уйғур, тибәт вә хитай пуқралири дуч келиватқан түрлүк кишилик һоқуқ мәсилилири тоғрисида тәпсилий тохталған.

Йиғинда уйғурларға вакалитән сөзгә чиққан японийәдики уйғур сиясий актиплиридин гүлистан ханим уйғур елида елип бериливатқан хитайниң қош тиллиқ маарип сияситиниң маһийити тоғрисида әтраплиқ доклат бәргән. У доклатида, хитайниң уйғур маарипида елип бериватқан “ меңә ююш”сияситиниң йәсли маарипидин толуқ оттура мәктәп маарипиғичә кеңәйгәнликини тәкитлигән.

Зияритимиз җәрянида гүлистан ханим, бу хилдики йиғинларда хитайниң уйғур тилини йоқитиш үчүн елип бериватқан сияситини паш қилишниң өзи, муһаҗирәттә елип бериливатқан уйғур кишилик һоқуқ паалийәтлиридики муһим һәрикәтләрдин бири болуши керәкликини тәкитлиди.

Ахирида кишилик һоқуқ паалийәтчиси илһам мәхмут, асияда әркинлик вә демократийини илгири сүрүш бирлики тәшкилатиниң йилда бир қетим чақирилидиған бу йиғинниң
Әһмийити һәққидә тохталди.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.