Xitay erzdarlar tosalghusiz kirip kétiwatqan döletlik erziyet idarisige ikki Uyghur erzdar kirgüzülmigen

Muxbirimiz shöhret hoshur
2015-03-02
Élxet
Pikir
Share
Print
Xitay kommunist xelq qurultiyi yépilish mezgilide, erzdarlar sot mehkimisi aldida. 2011-Yili 19-öktebir, béyjing.
Xitay kommunist xelq qurultiyi yépilish mezgilide, erzdarlar sot mehkimisi aldida. 2011-Yili 19-öktebir, béyjing.
www.boxun.com

Bügün, yeni 3-ayning 2-küni xitay döletlik erziyet idarisi chaghanliq dem élishini tügitip, erzdarlarni qobul qilish üchün ishikini achqan؛ ishik aldigha toplan'ghan besh yüzdin artuq xitay erzdar héchqandaq tosalghusiz kirip kétiwatqan ishiktin ikki Uyghur erzdar kirishke temshelginide, ular tosuwélinip ichige kirgüzülmigen. Ular derwazida wezipe ötewatqan amanliq xadimliri teripidin tosuwélinipla qalmastin, jayida 20 minutche toxtitip qoyulghan.
Amanliq xadimlirining téléfonliridin özlirini shinjang ish béjirish ornigha yaki saqchilargha tapshurup bérish üchün heriket qiliwatqanliqini bayqighan ikki Uyghur erzdar, axiri döletlik erziyet idarisi aldidin qéchip qutulghan.

Melum bolushiche, xitay döletlik erziyet idarisi her bir erzdarning erziyet idarisige kirishige peqet 3 ayda bir qétim yol qoyidu. Eng axirqi qétim bultur 12-ayda erziyet idarisige kirgen ikki Uyghur erzdar, bügün qayta kirish pursiti yétip kélip döletlik erziyet idarisining aldigha barghan. 500 Din artuq xitay erzdar tosalghusiz halda kirip kétiwatqan bu ishiktin ikki Uyghur erzdar kirgüzülmigen.

Bulturning tünügünki künide yeni 1-mart küni kunming poyiz istansida pichaqliq hujum yüz bergen, weqede 5 neper Uyghur pida'iy xitay tereptin 31 kishini öltürgen we 141 kishini yarilandurghan. Tünügün yene chingxey ölkiside éli mettursun isimlik bir gumandar saqchilarning qolidin ikki qoralni élip qéchip 15 sa'ettin kéyin tutulghan. Shunga xitay da'iriliri bu weqeler sewebidin, Uyghurlargha qarita bixeterlik tedbirlirini pewqul'adde kücheytken bolushi, we mushu sewebtin ikki Uyghur erzdarning erziyet idarisige kirgüzülmigenliki éhtimalgha yéqin körülmekte. Buningdin bashqa, her yili béyjingda échilidighan ikki yighin mezgili, Uyghur erzdarlargha qarita kontrolluq téximu küchiyidighan bir waqit, shunga, mushu hepte ichide yeni 5-mart küni béyjingda échilidighan ikki yighin, bügün ikki Uyghur erzdarning béshigha kelgen awarichilikning sewebi bolushi mumkin.

Weqe we uning sewebi heqqidiki melumatlarni yuqiridiki awaz ulinishidin anglighaysiler.

Toluq bet