“Hijret” sepiride Uyghur ayallar éghir bedel tölimekte (1)

Melumki, sherqiy jenubi asiya elliri arqiliq xeterlik, uzaq, musheqqetlik seper jeryanini béshidin ötküzüp, axirida türkiyege kélip yerleshken minglighan Uyghurlarning köp qismini ayallar we balilar teshkil qilidu.

Uning üstige ularning erliri qachaq seper jeryanida tayland, kambodzha qatarliq döletlerde tutqun qilinip, beziliri türmide bolsa, hetta beziliri xitaygha qayturuwétilgen.

Üch balining anisi, 25 yashliq zibagül balining anisi, 25 yashliq zibagül xitay hökümitining zulumliridin qéchip, öz erki boyiche yashashni istep éghir bedeller bilen, érige egiship balisini élip hijretke tewekkül qilghan we axirida ongushluq halda pütün a'ile bölünmey türkiyige kéliwalghan bolsimu, u, shu minglighan Uyghur tul ayallardin perqsiz bir hayatni bashtin kechürmekte, chünki uning éri türkiyige kelgendin kéyin türmige élin'ghan, teqdirining qandaq bolidighanliqi téxi éniq emes, ikki naresidini ach qoymay béqishtin bashqa, sersanliq hayatining yükligen ghemlirini, azablirini yalghuz kötürmekte. Emma, istanbulning zeytunburnu rayonida Uyghurlar arisida yashawatqan zibagül yenila ümidlik halda “Ademdek yashash üchün bu bedelni tölewatqinimgha razi” deydu.

Uning hékayisi bizge, Uyghurlarning hijret sepirige tewekkül qilishning sewebliri, yolliri, xeterliri we yene bezi yochun tereplirini roshenleshtüridu. Qéni zibagülning hikayisige muxbirimiz gülchéhre bilen birlikte diqqet béring.