Уйғур вәкиллири "түрк мәдәнийәт мәркизи" дә уйғурлар һәққидә доклат бәрди

Ихтиярий мухбиримиз әкрәм
2016-01-27
Share
uyghurlar-toghriliq-doklat-berish-1.jpg "түрк мәдәнийәт мәркизи" дики уйғурлар тоғрилиқ доклат бериш паалийитидин көрүнүш. 2016-Йили 24-январ, мюнхен.
RFA/Ekrem

Йеқинқи йиллардин буян явропадики түрк җамаитиниң уйғурлар мәсилисигә болған қизиқиши һәм һесдашлиқи күчийип бармақта.

24-январ күни д у қ диний ишлар комитети мудири турғунҗан алавудунһаҗим башлиқ уйғур вәкиллири германийәниң мюнхен шәһиридики "түрк мәдәнийәт мәркизи" дә тәклипкә бинаән уйғурлар тоғрилиқ доклат бәргән. Паалийәт 4 саәт давамлашқан болуп, көп сандики түрк җамаити бу қетимқи доклатни қизиқиш билән аңлиған.

Турғунҗан алавудунһаҗимниң бәргән мәлуматиға асасланғанда, "түрк мәдәнийәт мәркизи" хизмәт бинасида уюштурулған мәзкур паалийәт уйғур полусида ғизалиниш билән башланған. Мюнхен шәһәр мәркизидики "тәклимакан уйғур ресторани" ниң уйғур ашпизи хәмит әпәнди түрк тәшкилати җамаитиниң илтимасиға бинаән уларға алди билән уйғурчә полу етип бәргән. Таам ләззитидин һузурланған түрк җамаити көп миннәтдар болған вә уйғур таам мәдәнийитигә юқири баһа бәргән.

Турғунҗанһаҗимниң ейтишичә, "түрк мәдәнийәт мәркизи" ниң бундақ бир паалийәтни тәшкиллишидики мәқсити, уйғурлар мәсилисини техиму ичкириләп чүшиниш вә уйғурларға болған қоллашлирини күчәйтиш үчүн икән. У бу һәқтә зияритимизни қобул қилғанда, алди билән бу қетимқи паалийәтниң асасий мәзмуни вә җәряни тоғрилиқ учур берип өтти. Турғунҗанһаҗим йәнә өзиниң уйғур вәзийити һәққидә бәргән доклати үстидә тохталди.

Бу қетимқи паалийәткә йәнә мюнхен шәһиридә яшайдиған уйғур зиялийси һилалидин әпәндиму қатнашқан. У бу қетимқи уйғурлар тоғрисида доклат бериш паалийитиниң түрк җамаитидә яхши тәсир пәйда қилғанлиқини тәкитлиди. Турғунҗанһаҗим сөзидә, бу қетимқи доклат бериш паалийити хатимисидә түрк җамаитиниң уйғурлар вә уларға қандақ ярдәм берәләйдиғанлиқи һәққидә соаллар сориғанлиқини вә тегишлик җаваблар бәргәнликини әскәртти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт