Uyghurlar mesilisi byéléféld uniwérsitétida tonushturuldi

Ixtiyariy muxbirimiz ekrem
2015.06.25
Share on WhatsApp
Share on WhatsApp
uyghur-mesilisi-germaniye.jpg D u q mu'awin re'isi ümid agahi ependi byéléféld uniwérsitétida “Uyghurlar we sherqiy türkistan” témisida léksiye sözlimekte. 2015-Yili 23-iyun, gérmaniye.
RFA/Ekrem

Gérmaniyediki meshhur aliy bilim yurtliridin biri bolghan byéléféld uniwérsitétining teklipi bilen 23-iyun küni d u q xadimliri “Uyghurlar we sherqiy türkistan” témisida léksiye sözlep, xitayning qattiq basturush siyasetlirini sökken.

D u q rehbirining 23-iyun byéléféld uniwérsitétidin bergen melumatigha asaslan'ghanda, bu léksiyini anglashqa gérmanlar, türkler we bashqa milletlerdin bolup 130 din artuq oqughuchi, oqutquchi hemde tetqiqatchilar qatnashqan. Léksiye zaligha sherqiy türkistanning ayyultuzluq kök bayriqi ésilghan. Pa'aliyet Uyghurlar we sherqiy türkistan heqqide chüshenche bérish hemde so'allargha jawab bérishtin ibaret ikki xil usulda élip bérilghan.

Byéléféld uniwérsitétidiki “Uyghurlar we sherqiy türkistan” témisida léksiye sözlesh wezipisini d u q mu'awin re'isi ümid agahi ependi üstige alghan. Uning éytishiche, pa'aliyet 23-iyun küni sa'et 17 bilen bashlinip, sa'et19 da axirlashqan. Ikki sa'etlik bu muddette, ümid agahi 50 minut nutuq sözlep, Uyghurlarning kimliki, ötmüshi, bügüni, sherqiy türkistanning nöwettiki weziyiti, jughrapiyilik ehwali, tebi'iy bayliqlirining talan-taraj qilinish mesilisi, Uyghurlar tartiwatqan xorluqlar qatarliq keng da'irilik melumatlar bilen yighin ehlining küchlük diqqitini chekken. Qalghan bir sa'et on minut waqit so'al-jawab üchün ajritilghan. Mexsus Uyghurlar mesilisi üchünla uyushturulghan bu léksiyide otturigha qoyulghan pikirler ishtirakchilarda zor qiziqish qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.