D u q hey'iti b d t musapirlar aliy komitéti rehberliri bilen Uyghur musapirlar heqqide muzakire élip bardi

Ixtiyariy muxbirimiz erkin tarim
2015-11-26
Share
Rita-xanim-dolqun-eysa-305.jpg Dolqun eysa ependi birleshken döletler teshkilati alahide bayanatchisi rita issak xanim bilen. 2015-Yili 25-noyabir, jenwe.
RFA/Erkin Tarim

D u q ijra'iye komitéti mudiri dolqun eysa bashchiliqidiki hey'et 11-ayning 25-küni birleshken döletler teshkilati musapirlar ishxanisi mes'ulliri we bezi alahide wekiller bilen uchriship taylandtiki musapirlar bashliq, dunyaning herqaysi jaylirida turuwatqan musapirlar mesilisi toghrisida söhbet élip bardi.

24-25-Noyabir künliri jenwede échilghan b d t ning azsanliqlar munbirining 8-nöwetlik yighinigha qatnishish üchün jenwege yétip barghan hey'et, bu pursettin paydilinip, b d t ning musapirlar aliy komitéti mes'ulliri, bezi komitétlarning b d t diki wekilliri we insan heqliri teshkilatining mes'ulliri bilen uchriship, hazirghiche taylandta yétiwatqan 60 etrapidiki Uyghur musapirlar, qazaqistan, qirghizistan türkiye qatarliq döletlerdiki birleshken döletler teshkilati musapirlar ishxanisigha iltimas qilip jawab kütüwatqan Uyghur musapirlar mesilisi heqqide muzakire élip barghan.

Dolqun eysa ependi bashchiliqidiki hey'et birleshken döletler teshkilati alahide bayanatchisi rita issak xanim, birleshken döletler teshkilati azsanliq milletler munbiri alahide bayanatchisi Gay McDougall xanimlar bilen uchriship, ularni Uyghur diyarigha bérip Uyghurlarni közitip kélishini telep qilghan.

Dolqun eysaning éytishiche, bu kishiler Uyghur mesilisini yéqindin közitip kéliwatqanliqini, yéqinda xitay hökümitining teklipi boyiche xitaygha yighin'gha baridighanliqini, bu jeryanda Uyghur diyarigha bérishni xitay hökümitidin telep qilidighanliqini éytqan.

Dolqun eysa ependining éytishiche, birleshken döletler teshkilati musapirlar aliy komitéti Uyghur musapirlar mesilisige burundin tartip alahide köngül bölüp kéliwatqan bolsimu, süriyediki musapirlar mesilisi otturigha chiqqandin kéyin bu mesile kéyinki pilan'gha chüshüp qalghan.    

Yuqiridiki awaz ulinishidin dolqun eysa ependi bilen ötküzülgen söhbetning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet