Түркийәниң зоңгулдак вә самсун вилайәтлиридә өткүзүлгән йиғинларда уйғурларниң трагедийиси оттуриға қоюлди

Ихтиярий мухбиримиз әркин тарим
2015-03-24
Share
samsun-turk-ojaqlirida.jpg Дуня уйғур қурултийи муавин рәсиси сийит томтүрк 20-март күни түркийәниң самсун вилайитидики түрк очақлирида
Photo: RFA

17-21-Март күнлири түркийәниң ғәрбий қисмидики қара деңиз районидики зоңгулдак вилайити билән шәрқий шимал қара деңиз районидики самсун вилайитидә 5 мәйдан шәрқий түркистан тоғрисида мәхсус доклат бериш йиғини өткүзүлди.

17-Март күни зоңгулдак бүләнт әҗәвит университетида өткүзүлгән “уйғурларда норуз вә шәрқий түркистанниң һазирқи вәзийити” мавзулуқ доклат бериш йиғинида д у қ муавин рәиси сейит түмтүрк әпәнди доклат бәрди. Йиғинға университетниң мудири профессор маһмут өзәр әпәнди вә оқутқучи оқуғучилардин болуп 300 әтрапида киши қатнашқан. Сейит түмтүрк әпәндиниң ейтишичә, 2 саәт давамлашқан йиғинда уйғурларниң һазирқи вәзийити, хитайниң уйғурларға елип бериватқан ассимилятсийә сиясити вә уйғурларниң түркийәдин күткән үмидлири оттуриға қоюлған.

Арқидин 20-март күни түркийәниң самсун вилайитидики 19-май университетида “қәлбимизниң шәрқ тәрипи шәрқий түркистан” мавзулуқ доклат бериш йиғини чақирилди. ярдәмлишиш еңини өстүрүш җәмийити билән самсун университети бирликтә уюштурған йиғинда дуня уйғур қурултийи муавин рәиси сейит түмтүрк әпәнди уйғурларниң һазирқи вәзийити тоғрисида доклат бәрди. Доклат бериш йиғиниға самсун 19-май университети рәһбәрлири, оқутқучи вә оқуғучилиридин болуп 250 әтрапида киши қатнашти.

21-Март күни чүштә инсаний ярдәм вәқпиниң самсун шөбисидә доклат бәрди. Бу доклат бериш йиғиниға самсунда паалийәт елип бериватқан көп санда аммиви тәшкилатниң мәсуллири вә әзалиридин болуп 100 әтрапида киши қатнашти. Мәзкур доклат бериш йиғинда сейит түмтүрк әпәнди нуқтилиқ һалда хитайниң уйғурларға елип бериватқан диний бесим сиясити тоғрисида мәлумат бәрди.

21-Март күни кәчтә сейит түмтүрк әпәнди самсун түрк оҗақлири тәшкилатида доклат бәрди. Бу доклат бериш йиғиниға түрк оҗақлири тәшкилати башқуруш һәйәт әзалири вә әзалиридин болуп 100 әтрапида киши қатнашти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт