Türkiyening zongguldak we samsun wilayetliride ötküzülgen yighinlarda Uyghurlarning tragédiyisi otturigha qoyuldi

Ixtiyariy muxbirimiz erkin tarim
2015-03-24
Share
samsun-turk-ojaqlirida.jpg Dunya Uyghur qurultiyi mu'awin resisi siyit tomtürk 20-mart küni türkiyening samsun wilayitidiki türk ochaqlirida
Photo: RFA

17-21-Mart künliri türkiyening gherbiy qismidiki qara déngiz rayonidiki zongguldak wilayiti bilen sherqiy shimal qara déngiz rayonidiki samsun wilayitide 5 meydan sherqiy türkistan toghrisida mexsus doklat bérish yighini ötküzüldi.

17-Mart küni zongguldak bülent ejewit uniwérsitétida ötküzülgen “Uyghurlarda noruz we sherqiy türkistanning hazirqi weziyiti” mawzuluq doklat bérish yighinida d u q mu'awin re'isi séyit tümtürk ependi doklat berdi. Yighin'gha uniwérsitétning mudiri proféssor mahmut özer ependi we oqutquchi oqughuchilardin bolup 300 etrapida kishi qatnashqan. Séyit tümtürk ependining éytishiche, 2 sa'et dawamlashqan yighinda Uyghurlarning hazirqi weziyiti, xitayning Uyghurlargha élip bériwatqan assimilyatsiye siyasiti we Uyghurlarning türkiyedin kütken ümidliri otturigha qoyulghan.

Arqidin 20-mart küni türkiyening samsun wilayitidiki 19-may uniwérsitétida “Qelbimizning sherq teripi sherqiy türkistan” mawzuluq doklat bérish yighini chaqirildi. Yardemlishish éngini östürüsh jem'iyiti bilen samsun uniwérsitéti birlikte uyushturghan yighinda dunya Uyghur qurultiyi mu'awin re'isi séyit tümtürk ependi Uyghurlarning hazirqi weziyiti toghrisida doklat berdi. Doklat bérish yighinigha samsun 19-may uniwérsitéti rehberliri, oqutquchi we oqughuchiliridin bolup 250 etrapida kishi qatnashti.

21-Mart küni chüshte insaniy yardem weqpining samsun shöbiside doklat berdi. Bu doklat bérish yighinigha samsunda pa'aliyet élip bériwatqan köp sanda ammiwi teshkilatning mes'ulliri we ezaliridin bolup 100 etrapida kishi qatnashti. Mezkur doklat bérish yighinda séyit tümtürk ependi nuqtiliq halda xitayning Uyghurlargha élip bériwatqan diniy bésim siyasiti toghrisida melumat berdi.

21-Mart küni kechte séyit tümtürk ependi samsun türk ojaqliri teshkilatida doklat berdi. Bu doklat bérish yighinigha türk ojaqliri teshkilati bashqurush hey'et ezaliri we ezaliridin bolup 100 etrapida kishi qatnashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet