Waymar shehiride xitaygha qarshi namayish ötküzüldi

Ixtiyariy muxbirimiz ekrem
2017-12-12
Share
waymar-xitaygha-qarshi-namayish.jpg Xelq'ara insan heqliri küni munasiwiti bilen xitay zulumigha qarshi élip bérilghan namayishtin körünüsh. 2017-Yili 10-dékabir, waymar, gérmaniye.
FA/Ekrem

10-Dékabir insan heqliri küni munasiwiti bilen gérmaniyening waymar shehiride xitay zulumigha qarshi namayish élip bérildi.

Gérmaniyening myunxén, karlisruhé, frankfurt sheherliridin "Waymar kishilik hoquq mukapati" ni tarqitish murasimigha qatnishish üchün kelgen 20 din artuq Uyghur d u q ning teshebbusi, yawropa sherqiy türkistan birliki teshkilatining orunlashturushi bilen "10-Dékabir xelq'ara insan heqliri küni" waymar sheherlik hökümet aldida namayish ötküzdi.

Namayishta aldi bilen d u q re'isi dolqun eysa ependi nutuq sözlep, waymar shehiridiki bu namayishning ehmiyiti we waymar shehirining türmidiki Uyghur öktichi ziyaliysi ilham toxtigha kishilik hoquq mukapatini layiq körgenlikining siyasiy qimmiti heqqide toxtaldi.

Yawropa sherqiy türkistan birliki teshkilati re'isi turghunjan alawudun hajimmu, bu qétimqi namayishqa yuqiri baha bérip, namayish sépigha qétilghan Uyghurlargha bolghan rehmetlirini bildürdi. U sözide weten üchün xizmet qilishning imani we wijdaniy mejburiyet ikenlikini tekitlidi.

Myunxén shehiridin kelgen méhriban xanimmu, namayish heqqide hemde ilham toxtigha oxshash Uyghur ziyaliylirining milliy küreshliri toghrisida qarashlirini tilgha aldi.

Bu qétimqi pa'aliyetke qatnishish üchün frankfurt shehiridin kelgen "Sherqiy türkistan kültür merkizi" re'isi küresh ataxan ependimu, özining xelq'ara insan heqliri künide bolup ötken bu pa'aliyetler heqqidiki tesiratlirini bayan qilip ötti.

Yawropa sherqiy türkistan birliki teshkilatining mu'awin re'isi esqerjan ependi gérman jama'itige, bu qétimqi namayishning meqsiti we waymar shehirining ilham toxtigha bergen kishilik hoquq mukapati toghruluq melumatlar teqdim qildi hemde waymar xelqige teshekkürlirini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet