Yawropa parlaméntida Uyghurlar toghrisida guwahliq bérish yighini ötküzüldi

Ixtiyariy muxbirimiz ekrem
2018-05-15
Élxet
Pikir
Share
Print
Yawropa parlaméntida ötküzülgen "Uyghurlarning kishilik hoquq weziyiti heqqide guwahliq bérish" yighinida gérmaniyediki xeter astidiki milletlerni qoghdash teshkilati re'isi ulrik déliyus ependi(ongda) we d u q re'isi dolqun eysa ependi guwahliq sözi qildi. 2018-Yili 15-may.
Yawropa parlaméntida ötküzülgen "Uyghurlarning kishilik hoquq weziyiti heqqide guwahliq bérish" yighinida gérmaniyediki xeter astidiki milletlerni qoghdash teshkilati re'isi ulrik déliyus ependi(ongda) we d u q re'isi dolqun eysa ependi guwahliq sözi qildi. 2018-Yili 15-may.
RFA/Ekrem

15-May yawropa parlaméntida "Uyghurlarning kishilik hoquq weziyiti heqqide guwahliq bérish" yighini ötküzüldi.

15-May küni chüshtin burun, yawropa parlaméntida mexsus "Uyghurlarning kishilik hoquq weziyiti heqqide guwahliq bérish" yighini ötküzülgen. Yighin'gha yawropa parlaménti kishilik hoquq komitétining re'isi pansari ependi riyasetchilik qilghan. Bu yighin'gha yawropa parlaménti ezaliri, yawropa parlaménti tashqi ishlar ministirliki xadimliri, yawropa komitéti rehberliri, amérika dölet mejlis ezaliri we köpligen kishilik hoquq teshkilatlirining wekilliri biwasite yaki wasitilik halda qatnashqan.

Dolqun eysa ependi bu qétimqi guwahliq bérish yighinida söz qilghan. D u q re'isi dolqun eysa ependining bügün neq meydandin bergen melumatlirigha asaslan'ghanda, yighinda amérikidiki insan heqlirini közitish teshkilati asiya ishliri bölümining diréktori soféy réchardson xanim, gérmaniyediki xeter astidiki milletlerni qoghdash teshkilati re'isi ulrik déliyus ependi we Uyghurlargha wakaliten d u q re'isi dolqun eysa ependi qatarliqlar guwahliq sözi qilghan.

Dolqun eysa ependi yighinda qilghan sözide, shi jinping textke chiqqan 5 yildin buyan Uyghur éli weziyitide yüz bergen éghir paji'elerni tilgha alghan. U sözide, bolupmu chén chüen'go Uyghur élida hökümranliq yürgüzüshke bashlan'ghandin buyan, "Yépiq terbiyelesh merkizi" dep atalghan jaza lagérlirigha bir milyondin artuq Uyghurning qamalghanliqi we bir qisim meshhur zatlarning öltürülgenlikini konkrét otturigha qoyghan.

Yighin'gha wasitilik halda qatnashqan amérika dölet mejlis ezaliri, yawropa parlaméntining bu yighinigha yuqiri baha bérish bilen birge, yighinda guwahliq bergen dolqun eysa bashliq kishilik hoquq pa'aliyetchilirige minnetdarliqini bildürgen.

Dolqun eysa ependi yighinda, yawropa parlaménti we yawropa komissiyonidin Uyghurlarning nöwettiki weziyiti heqqide xitaygha bésim ishliteleydighan qararlarni derhal qobul qilishni telep qilghan. U sözining axirida, bu qétimqi guwahliq bérish yighinining 4-ayning 27-küni yawropa parlaménti aldida ötküzülgen "5 Ming kishilik namayish" ning bir netijisi ikenlikinimu alahide eskertti.

Bügünki yighin'gha ishtirak qilghan wakaletsiz milletler teshkilati xadimi lusiya xanimmu ziyaritimizni qobul qilip, mexsus Uyghurlar heqqide guwahliq bérish yighinining uyushturulghanliqidin özining köp memnun bolghanliqini tilgha aldi.

U mundaq dédi: "Yawropa parlaménti kishilik hoquq komitéti teripidin uyushturulghan bügünki Uyghurlar toghrisida guwahliq bérish yighinigha 28 döletke wekillik qilidighan yawropa ittipaqining eng muhim erbablirining bir qismi qatnashti. Amérika dölet mejlis ezalirimu bu yighinni qizghin qollaydighanliqini bildürdi hemde yighinning del waqtida échilghanliqini, Uyghurlar mesilisige jiddiy köngül bölüshke tégishlik bir waqitta turuwatqanliqimizni tekitlidi. Yeni amérika bilen yawropa ittipaqi bu yighinda Uyghurlar toghrisida ortaq awaz chiqardi. Buning siyasiy ehmiyiti nahayiti zor dep qaraymen. Xitaygha béridighan inkasmu shundaq menilik bolidu".

Toluq bet