Xitay puqralar küchi teshkilatining muhakimiside sherqiy türkstandiki diniy étiqad we muhit bulghinish mesililiri muhakime qilindi

Muxbirimiz gülchéhre
2015.04.28
Share on WhatsApp
Share on WhatsApp
dini-checklesh-305 Uyghur rayunidiki dini paaliyetlerni cheklesh taxtisi
RFA Photo


Xitay puqralar küchi teshkilatining bash sahipxanliqida, amérika bedésta shehiride dawamlishiwatqan “Millet, din, chégra halqighan démokratik heriket yash rehberlirining 10 - nöwetlik xelq'araliq muhakime yighini” 28 - april ikkinchi künige qedem qoydi. Bügün élip bérilghan“Xitayning diniy zulumi we diniy erkinlik” témisidiki muhakimide amérika Uyghur jem'iyiti mu'awin re'isi ilshat hesen“Xitaydiki muhit bulghinish we bu heqte xelqning inkasi we hökümet tedbiri” témisidiki muhakimide dunya Uyghur qurultiyi ijra'iye re'isi dolqun eysa mexsus doklat berdi.

Puqralar küchi teshkilatining re'isi yang jyenlining pilanlishi bilen mezkür muhakime xitay kommunistik hökümitining tesirige uchrighan barliq küchlerni bir yerge jem qilip, din, millet, chégra halqighan bir ortaqliq hasil qilish we ortaq ittipaqdash heriket istratégiyisi arqiliq xitaygha démokratiyini élip kirishni meqset qilghan “Millet, din, chégra halqighan démokratik heriket yash rehberlirining 10 - nöwetlik xelq'araliq muhakime yighini” ning seyshenbe küni“Xitayning diniy zulumi we diniy erkinlik”, “ Xitaydiki muhit bulghinish we bu heqte xelqning inkasi we hökümet tedbir”" dégen ikki témigha béghishlandi.

Chüshtin awwal aldi bilen “Xitayning diniy zulumi we diniy erkinlik” témisida muhakime élip bérildi. Muhakimide her qaysi dinlargha ishen'güchilerni wekilliri asasliqi islam, budda, xrsti'an we falun'gung din ibaret oxshimighan din'gha étiqad qilghuchilarning uchrawatqan zulumliri we weziyetlirini anglatti. Uyghurlargha wekil bolup sehnige chiqqan amérika Uyghur birleshmisi mu'awin re'isi élshat hesen ependining puxta teyyarliq bilen mukemmel xitay tilida sherqiy türkstandiki Uyghur musulmanlarning weziyiti heqqide sözligen nutqi, muhakimige qatnashqan 100din artuq her sahe kishilirige intayin chongqur tesir qaldurdi, élshat ependining xitay hökümitining siyasetlirige qaritip éytqan bezi kinayiliri ularni ixtiyarsiz küldürse, Uyghurlarning diniy weziyiti ularda ortaq endishe peyda qildi.

Biz élshat hesen ependi sehnidin chüshkendin kéyin uni ziyaret qilish pursitige érishtuq.

Bu xelq'araliq muhakimige gérmaniyidin kélip qatnishiwatqan dunya Uyghur qurultéyi ijra'iye re'isi dolqun eysa ependini u doklat bérishtin ilgiri ziyaret qilduq.

Dolqun eysa ependi ziyaritimizdin kéyinla sehnige chiqip chüshtin kéyin orunlashturulghan muhakimide sherqiy türkstandiki ékologiyilik muhit bulghinish mesililiri we buni keltürüp chiqiriwatqan amillar heqiqde tepsiliy doklat bérishke bashlidi.

Dunyaning her qaysi jaylirida xitaygha qarshi pa'aliyet élip bériwatqan 10 din artuq xelq'araliq insan heqliri teshkilatliri, xitay, Uyghur, tibet, mongghul qatarliq milletler, islam, budda, xrsti'an, falun'gung qatarliq oxshimighan dinidikiler, xitay, xongkong, teywen we makawliqlar, oxshimighan ashkara we mexpiy ammiwi teshkilat wekilliri, musteqil guruhlar wekilliri ishtirak qiliwatqan mezkür muhakimige 100din artuq kishi qatnashmaqta.

Amérikidiki nurghun axbarat organliri, tor betler, ijtima'iy taratqular arqiliq xitay puqralar küchi teshklatining orunlashturghan bu muhakimisi dunyagha türlük yollar we wastiler arqiliq taralmaqta.

Bu, din, millet, chégra halqighan démokratik pa'aliyetchilerning muhakimisi oxshimighan témilarda yene ikki kün dawam qilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.