14 Démokratik dölettiki ray sinashta xitayning kishilik hoquqi eng nachar nomur alghan

Muxbirimiz erkin
2016-07-25
Share
pew-pyu-report-doklat.jpg “Pyu tekshürüsh merkizi” ning ray sinash doklati.
duihuahrjournal.org

Xitay re'isi shi jinping 2011‏-yili kompartiye hoquqini ötküzüwélip, hakimiyet sorashqa bashlighan 5 yil ichide amérika, asiya we yawropadiki bezi démokratik ellerdiki xelqning xitaygha bolghan selbiy köz qarishi küchiyip, eng nachar nuqtigha chüshüp qalghan.

Yéqinda amérikidiki ray sinash orni ‏- “Pyu tekshürüsh merkizi” shimaliy amérika, yawropa, asiyadiki bezi döletlerde ray sinash élip bérip, xelqning xitaygha bolghan tonushini tekshürgen.

“Pyu tekshürüsh merkizi”ning élan qilishiche, ray sinashqa qatnashqan 14 démokratik dölettiki 60% tin artuq xelq xitay hökümitini öz puqralirining kishilik erkinlikige hörmet qilmaydu, dep qarighan.

Bu qarash firansiye, gérmaniye, shiwétsiyede eng küchlük bolup, bu döletlerdiki her 10 kishining 9 i, amérikida bolsa 80% kishi xitay hökümitini öz xelqining kishilik erkinlikige hörmet qilmaydu, dep qaraydighanliqini bildürgen.

“Di'alog” namliq amérika kishilik hoquq teshkilatining bildürüshiche, nöwette bu döletlerdiki xelqning xitaygha bolghan tonushi 2005‏-yildin buyanqi eng töwen nuqtigha chüshüp qalghan.

Yuqiriqi démokratik döletlerdiki xelqning xitaygha bolghan selbiy rayining küchiyishide qandaq amillar rol oynidi? bu munasiwet bilen biz,amérikidiki yipek yoli tetqiqatchisi doktor qahar baratni ziyaret qilduq.

Yuqiridiki ulinishtin muxbirimiz erkinning doktor qahar barat bilen ötküzgen söhbitini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet