Yaponiyede “Xitay hökümitining Uyghurlarni basturushi” namliq maqale élan qilindi

Yaponiyede tesiri bir qeder zor bolghan mejmu'elerdin “Yaponiye iqtisad” zhurnilining 12-sanida doktor turmuhemmet hashimning “Xitay hökümitining Uyghurlarni basturushi” namliq maqalisi élan qilindi.

Mezkur zhurnalning 12-sani zhurnal neshr qilin'ghanliqining 45 yilliqigha béghishlan'ghan alahide sani bolup, zhurnal muqawisigha sabiq yaponiye maliye ministiri yüko obuchi xanimning süriti bérilgen.

Mezkur maqalide 1990-yillardin kéyin sowétlar ittipaqining yimirilishi bilen ottura asiyada yéngidin qurulghan türkiy jumhuriyetlerning Uyghur élidiki Uyghurlarning oyghinishi we ularning tarixta qurulghan öz jumhuriyetlirini eslige keltürüsh üchün heriketke ötüshige türtke bolghanliqini, 1990-yili Uyghur élida yüz bergen barin inqilabidin qattiq chöchügen béyjing hökümitining Uyghurlarning türlük qarshiliq heriketlirini etrapliq basturush üchün 1996-yili mexsus “7-Nomurluq höjjet” hazirlap, bu höjjetning rohi boyiche Uyghur élida keng kölemlik basturush herikiti élip bérishqa bashlighanliqini bayan qilghan. Maqalide shundaqla Uyghur élida yüz bergen bir qatar weqeler heqqide tepsiliy melumatlar bérilgen.

Biz mezkur maqale heqqide etrapliq melumatlargha ige bolush üchün doktor turmuhemmet hashim bilen téléfon söhbiti élip barduq.

Yuqiriqi ulinishtin tepsilatni anglang.