Yeken isyanigha seweb weqede 7 yashliq bala we 72 yashliq bowaymu étip öltürülgen

Yekenning élishqu we xangdi yézilirida 28 - iyul küni yüz bergen qanliq isyanning qozghilishigha türtke bolghan sewebler heqqide oxshimighan melumatlar otturigha chiqmaqta؛ bezi ahaliler isyanning qozghatquch sewebi süpitide xitayning ramizan mezgilidiki diniy cheklimilirini tilgha alsa, yene beziler isyandin 10 kün burun yekenning beshkent bazirida yüz bergen bir a'ile kishilirining étiwétilish weqesini körsetmekte.

Ashkarilinishiche, 18 - iyul küni xitay saqchilirining öy tekshürüshi dawamida bir gumandarning ata - anisi, ayali we 7 yashliq balisi bolup, jem'iy 5 kishi étiwétilgen. Bir a'ile kishilirining qiriwétilgenlik weqesi heqqidiki uchur jem'iyette tarqalghandin kéyin, yekenning élishqu we xangdi yézisidiki bir türküm kishiler qozghilip weqege naraziliq bildürgen. Bu qozghilishmu qanliq basturulup 100din artuq kishi hayatidin ayrilghan.

Töwende ene shu bir a'ile kishilirining qiriwétilish weqesi heqqide melumat anglaysiler. Bu programmini muxbirimiz shöhret hoshur teyyarlighan.