Yépiq terbiyilesh merkizidiki bir "Kursant": gunahimiz - alte yil burun toyda tebligh anglap qalghanliqimiz

Muxbirimiz shöhret hoshur
2017-08-18
Élxet
Pikir
Share
Print
Xitay eskerliri bronéwikliri bilen ghulja sheher ichige kiriwatqan körünüsh. 2017-Yili 26-yanwar.
Xitay eskerliri bronéwikliri bilen ghulja sheher ichige kiriwatqan körünüsh. 2017-Yili 26-yanwar.
Social Media

Muxbirimiz ghulja nahiyilik yépiq terbiyilesh merkizige qarita élip barghan ziyariti dawamida, mezkur merkezdiki yardemchi kadirlarning téléfonlirini sunup bérishi netijiside, terbiyiliniwatqan atalmish kursantlar bilenmu söhbetlishish pursitige érishti. Kursantlardin biri, xudiyaryüzi bazar qotantam kentidin özi bilen birlikte 11 kishining 6 yil awwal mehellidiki bir toyda tebligh anglap qalghanliqi üchün tutulghanliqini we terbiyiliniwatqanliqini éytti.

Bügün radiyomizning ziyaritini qobul qilghan adwokat nuriy türkel ependi, mezkur yépiq merkezde boluwatqan ishlarni qanuniy nuqtidin izahlashning mumkinsizlikini bayan qildi.

Biz ghulja nahiyilik yépiq terbiyilesh merkizidiki yardemchi kadirlarni ziyaret qilish dawamida, bu merkezde tutup turuluwatqan atalmish kursantlardin birqanchisining konkrét qandaq délolar bilen tutulghanliqi heqqidimu melumat élishqa tirishtuq.

Biz bu yépiq terbiyilesh merkizide boluwatqan ishlar heqqide, amérikida yashawatqan adwokat nuriy türkel ependini ziyaret qilduq. U yalghuz yuqiriqi bir délonila emes, bu merkezde boluwatqan barliq ishlarni, hetta pütün Uyghur rayonida muqimliqni qoghdash nami astida ijra qiliniwatqan ishlarni qanuniy nuqtidin izahlashning mumkinsizlikini éytti. Xitayni dunyadiki herqandaq bir qanun dölitige sélishturghili bolmaydighanliqini eskertken nuriy türkel ependi, mesilining yeni qanunsiz ijra'atlarning yiltizi xitayning Uyghurlarning milliy mewjutluqini öz dölet bixeterlikige tehdit dep qarishi ikenlikini eskertti.

Toluq bet