Qeshqer qazriq déhqanliri 14 yildin buyan tartiwélin'ghan térilghu yerlirini téxiche qayturuwalalmighan

Muxbirimiz qutlan
2016-03-09
Share
yer-dewasi-erzdar.jpg Qeshqer nezerbagh yéza qazriq kentidiki Uyghur déhqanlarning qoldin ketken yerlirini qayturuwélish yaki tölem élish üchün yazghan yüzligen erzliridin bir örnek.
Social Media

Yer - déhqanning jéni hem tirikchilik menbesi.

Esirlerdin buyan "Yer altun qozuq" dégen eqidige ishinip, halal méhniti bilen yashap kelgen Uyghur déhqanliri yéqinqi yillardin buyan barliq tirikchilikining menbesi bolghan térilghu yerliridin ayrilip qalmaqta.

2002-Yili qeshqer sheherlik hökümet bilen nezerbagh yéziliq da'iriler qeshqer shehirini kéngeytip qurush hemde qeshqer ayrodromini qayta qurush bahanisi bilen qazriq kentidiki déhqanlarning 5 ming mogha yéqin yérini tartiwalghan. Bu yerler uzaq ötmeyla qeshqerde yéngidin kéngiyiwatqan "Qeshqer-shinjén alahide tereqqiyat rayoni" gha sétiwétilgen. Qazriq déhqanliri shunche uzun yillardin buyan tölem élish yaki yerlirini qayturuwélishqa tirishqan bolsimu, lékin yerlik da'iriler déhqanlargha bérilidighan tölem pulnimu bermigen. Yer dewasi qilip aptonom rayon'gha, u yerdin béyjingghiche barghan qazriq déhqanlirining wekilliri mejburiy qayturup kélinip yéziliq saqchixanigha solap qoyulghan.

Ötken yili bu weqe torgha ashkara bolghandin kéyin, radi'omiz bu heqte yerliktiki déhqanlar wekillirining inkaslirini anglatqan idi.

Halbuki, aridin bir yil waqit ötken bolsimu, emma bügün radi'omiz ziyaritini qobul qilghan qazriq déhqanliri qoldin ketken yerlirini téxiche qayturuwalalmighanliqini, tégishlik tölemgimu érishelmigenlikini, yersiz qalghan déhqanlarning qiyin ehwalda qalghanliqini melum qildi.

Qazriq kentidin ziyaritimizni qobul qilghan bir neper Uyghur ayal déhqanlardin tartip élin'ghan yerlerge hazir shinjén tereqqiyat rayoni namida nurghun bina öylerning sélinip bolghanliqini, ata-bowiliridin tartip térip kelgen binem yerlerning hazir sémont tamliq sheherge orun boshatqanliqini ashkara qildi.

Biz bu heqte yenimu ilgirilep ehwal igilesh üchün yuqiriqi qazriq kentide olturushluq yene bir Uyghur déhqan bilen sözleshtuq.

U qazriq déhqanlirining 2002-yilidin buyan kent we yéza kadirlirining bésimi astida qoldin bérip qoyghan térilghu yerlirining dewasini bügün'giche qiliwatqanliqini, kenttiki 4 mingdin artuq nopusning hazir kishi béshigha aran bir pungdin ashidighan intayin cheklik térilghu yerge tayinip yashawatqanliqini bildürdi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet