Yerkenning élishqu yézisidiki 3 kentte qetli'am yüz bergenliki ilgiri sürülmekte

Muxbirimiz shöhret hoshur
2014-08-01
Élxet
Pikir
Share
Print
Yekenning xeritidiki orni.
Yekenning xeritidiki orni.
google map

Yeken nahiysining élishqu yézisida 28 - iyul küni bir türküm kishilerning xitay hakimiyitige qarshi isyan kötürgenliki we xitay saqchilirining isyanni bir terep qilish dawamida köp sanda kishilerni öltürgenliki heqqide gheyriy resmiy uchurlar 5 kündin béri Uyghur ijtima'iy taratqular we jama'et sorunlirida tarqiliq yürmekte. Tünügün radi'omizgha kelgen bir namsiz xette bayan qilinishiche, élishquning 14 - , 15 - we 16 - kentliride 3 mingdin artuq kishi qiriwétilgen. Tünügün dunya Uyghur qurultiyigha yollan'ghan bir namsiz muraji'etnamidimu, mezkur 3 kentte qetli'am yüz bergenliki bayan qilinip, xelq'ara jama'ettin yardem soralghan.

Muxbirimiz bügün yekenning élishqu yézisigha téléfon qilip mezkur weziyet heqqide melumat igilidi. Ahalilerdin biri, élishquda 5 kündin béri saqchi we qutquzush aptomobillirining toxtimay qatnap tuwatqanliqini bildürüsh bilen birlikte, özining weqe yüz bergen 3 - kenttiki kishilerdin 28 - we 29 - iyul künliri mezkur kentlerde kochigha chiqqan kishilerning qara - qoyuq oqqa tutulghanliqi we 2000 din artuq kishining ölgenlikini anglighanliqini bayan qildi. Yézidiki ahaliler we kent kadirlirining téléfonda baghlinishqa jür'et qilalmasliqimu, élishqudiki weziyetning jiddiylikini ispatlimaqta.

Toluq bet