Yopurghida perzentliri "Terbiyilesh" ke ekétilgen bir boway tam bésiwélip ölgen

Muxbirimiz shöhret hoshur
2018-03-08
Élxet
Pikir
Share
Print
Melum "Terbiyelesh merkizi" ning aldida posta turuwatqan saqchilar. 2017-Yili 3-noyabir, xoten.
Melum "Terbiyelesh merkizi" ning aldida posta turuwatqan saqchilar. 2017-Yili 3-noyabir, xoten.
AP Photo/Ng Han Guan

Muxbirimizning yopurgha nahiye yekshenbebazar yézisigha qarita élip barghan téléfon ziyaretliri dawamida bu yézida perzentliri "Terbiyilesh" ke ekétilgen 80 yashliq bir bowayning öyide tam bésiwélip ölgenliki ashkarilandi. Melum bolushiche, weqe bügün, yeni peyshenbe küni kech sa'et 5 etrapida yüz bergen. Boway doxturxanida jan üzgen.

Melum bolushiche, Uyghur rayonida dawam qiliwatqan "Yépiq terbiyilesh dolquni" her küni dégüdek her xil ijtima'iy we a'iliwi paji'elirini keltürüp chiqarmaqta. Weziyettin xewerdar kishilerdin birining bayan qilishiche, bügün, yeni peyshenbe küni kechte yopurgha nahiyisining yekshenbebazar yézisida bir kishini tam bésiwélip ölgen. Déyilishiche, ölgüchi 80 yash öpchörisidiki bir boway bolup, u öyide yalghuz bolghachqa we konirighan öyi rémontsiz qalghachqa tam örülüp chüshüp qazagha yoluqqan. 

Qeshqer wilayetlik jiddiy qutquzush orni bügün wilayet teweside bir bowayni tam bésiwalghanliq heqqide özlirige uchur kelmigenlikini éytti. Yopurghining yekshenbe bazardiki bir ahaliler komitétining mudirimu özining 80 yashliq bowayni tam bésiwalghanliq weqesidin xewersizlikini éytti. Halbuki, radiyomiz ziyaritini qobul qilghan yopurgha nahiyilik doxturxanining bir neper nöwetchi xadimi bügün tam bésiwalghan bir bowayning doxturxanigha ekilin'genliki we qutquzush ünüm bermey hayatidin ayrilghanliqini delillidi.
Mezkur weqeni yiraqtin anglighan yopurghidiki kishilerdin biri, bowayni tam bésiwélish weqesining yopurghidiki bir "Terbiyilesh merkizi" de yüz bergenlikini bayan qildi. Emma alaqidar xadim, weqening "Terbiyilesh merkizi" de emes, bowayning öz öyide yüz bergenlikini bildürdi. Weqedin deslepte uchur bergen kishi, bowayning 3 perzenti we 10 nechche newrisining barliqi, perzentlirining atalmish "Terbiyilesh merkizi" ge, newrilirining bolsa atalmish "Parawanliq orni" gha ekétilgenlikini melum qildi. Alaqidar xadimlar, bu bowayning perzentlirining "Terbiyilesh merkizi" de ikenlikini delillidi. Emma bowayning newrilirining hazirqi ehwalidin xewersizlikini éytti. 

Hörmetlik radi'o anglighuchilar, yéngidin ashkariliniwatqan uchurlardin atalmish "Yépiq terbiyilesh merkezliri" bilen birlikte atalmish "Parawanliq merkezliri" ningmu qurulghanliqi we quruluwatqanliqi melum. Uchurlarda yene bu atalmish "Parawanliq orni" da "Yépiq terbiyilesh merkizi" ge ekitilgenlerning perzentlirining tutup turulidighanliqi ilgiri sürülmekte.

Toluq bet