Naxshichi zahirshah ablimitning atush sana'et rayonidiki “5-Terbiyelesh merkizi” de ikenliki delillendi
2018.12.11
Naxshichi zahirshah ablimit ata-anisi bilen türkiyede sayahette. Istanbul (waqti éniq emes)
Oqurmen Taminligen
Naxshichi zahirshah ablimitining nede tutup turuluwatqanliqi heqqidiki ilgirilep ehwal éniqlishimiz dawamida atush shehiridin 10 kilométirche uzaqliqtiki yéngi sana'et rayonida tesis qilin'ghan atalmish “5-Terbiyelesh merkizi” de ikenliki delillendi. Zahirshahning amérikida yashawatqan akisi abduwaris inisining ehwalini dunyagha anglitish arqiliq lagérlar mesilisini dunyagha tonutush ishida özining heriketke ötkenlikini bayan qildi.
Atush süntagh kentining saqchi xadimi naxshichi zahirshah ablimitni bundin 5 yil burun körgenlikini, zahirshahning sen'et pa'aliyitidiki aldirashliqi sewebidin uning bilen birer sorunda uchrishish pursiti bolmighanliqini éytti. U yene zahirshahning dadisi ablimit we apisi buxelchemlerning qachan we qeyerde tutulghanliqi heqqide melumat bérelmidi. Zahirshahning amérikida yashawatqan akisi abduwaris ablimit özlirining a'ile ehwali heqqide melumat berdi. U inisi zahirshahtin bashqa ata-anisiningmu lagérda ikenlikidin xewiri barliqini, emma atushta ma'arip saheside ishlewatqan bir hedisi we ikki singlisining ehwalidin xewersizlikini éytti.
Abduwarisining bayan qilishiche, naxshichi zahirshah yéqinqi 10 yildin béri ürümchi we xitayning ichki ölkiliride oyun qoyush bilen ötken. Zahirshah 2015-yili “Yipek yoli sadasi” naxsha musabiqisige qatnashqanda özining sen'et hayatini tonushturup ötken.
Atushtiki melum bir saqchi xadimi zahirshah ablimitning nöwette atushtiki bir lagérda ikenlikini delillidi. Uning bayan qilishiche u atushtiki sana'et rayonigha tesis qilin'ghan “5-Terbiyelesh merkizi” namidiki yighiwélish lagérigha qamalghan iken.
Zahirshahning akisi abduwaris özining inisi tutulup bir yildin kéyin ehwalni ashkarilishining sewebi üstidimu toxtaldi. Uning bayan qilishiche, u deslepte uchurning toghriliqigha jezm qilalmay qalghan. Kéyinche ishenchlik uchurgha érishken bolsimu, déloni jiddiyleshtürüwetmeslik üchün ehwalni ashkarilashtin özini tartqan. Axiri u weziyetning kündin-kün'ge yamanlishiwatqanliqini körgendin kéyin, inisining ehwalini dunyagha ashkarilashning inisi we ata-anisining teqdiri üchünmu, Uyghur weziyitining dunyagha bilinishi üchünmu zörür ikenlikini hés qilip, heriketke ötken.
Köp körülgen xewerler
RFA
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Hamutxan köktürk: xitayning puli bilen xitayning méhmani bolup weten'ge barghanlar sherqiy türkistan dewasigha xiyanet qilghan bolidu
- “Uyghur” namini özgertish némige zörür bolup qaldi?
- Kikbokschi abdusemet tewekkül: “Nishanim dunya chémpiyoni bolup, sherqiy türkistanni dunyagha tonutushtur”