Gollandiyediki pa'aliyetchi zeynidin tursun: weten dewasi mining ibaditim

Ixtiyariy muxbirimiz pida'iy
2016.02.04
ghulja-weqesi-Gul-Lewhesi-zeynidin-tursun-1.jpg

Uyghur pa'aliyetchi zeynidin tursun öz sermayisi bilen “Tizma gül lewhesi” yasap “5‏-Féwral ghulja weqesi” ni özgiche uslubta yad etmekte. 2016-Yili féwral, gollandiye. RFA/Pida’iy

ghulja-weqesi-Gul-Lewhesi-zeynidin-tursun-2.jpg

Uyghur pa'aliyetchi zeynidin tursun öz sermayisi bilen “Tizma gül lewhesi” yasap “5‏-Féwral ghulja weqesi” ni özgiche uslubta yad etmekte. 2016-Yili féwral, gollandiye. RFA/Pida’iy

ghulja-weqesi-Gul-Lewhesi-zeynidin-tursun-3.jpg

Uyghur pa'aliyetchi zeynidin tursun öz sermayisi bilen “Tizma gül lewhesi” yasap “5‏-Féwral ghulja weqesi” ni özgiche uslubta yad etmekte. 2016-Yili féwral, gollandiye. RFA/Pida’iy

ghulja-weqesi-Gul-Lewhesi-zeynidin-tursun-4.jpg

Uyghur pa'aliyetchi zeynidin tursun öz sermayisi bilen “Tizma gül lewhesi” yasap “5‏-Féwral ghulja weqesi” ni özgiche uslubta yad etmekte. 2016-Yili féwral, gollandiye. RFA/Pida’iy

Her yili “5‏-Féwral ghulja weqesi”, “Barin inqilabi” we “5‏-Iyul ürümchi weqesi” xatirilinish harpisida, gollandiyede u öz sermayisi bilen yüzlerche güllerdin “Tizma gül lewhesi” yasap chiqip, mezkur weqelerni özgiche uslubta yad étidighan bir kishi bar. Kishiler uni “Zeynidin ependi” deydu.

Gollandiyediki Uyghurlar uning sen'et bilen siyaset sehniside aktip rol élip kéliwatqan obrazini her da'im zoqlinish ichide tilgha almay qalmaydu we uning “Tizma gül lewhesi” yasash arqiliq, mu'eyyen bir siyasiy meqsetni diligha pükkenlikidin sheklenmeydu. Biz zeynidin tursun ependining bu pa'aliyiti heqqidiki hés-tuyghulirini radi'o anglighuchilirimiz bilen ortaqlishish meqsitide uni alahide ziyaret qilduq.

Zeynidin tursun ependi bir qanche yildin béri alahide bir uslub bilen gül destilerni tézip, Uyghur élide yüz bergen untulmas künlerni xatirileshtiki meqset muddi'alirini yighinchaqlap: “Shu weqelerde shéhit bolghanlarni yad étish we körünüshlerni feysbok qatarliq ijtima'iy uchur wasitiliride hembehirlep weten-milletning ehwalini sirtqi dunyagha anglitish arqiliq, bashqa muhajir qérindashlirimghimu ilham bérish” dédi.

Biz güllerdin hasil qilinidighan bu lewheni “Tizma gül lewhesi” dep atashni muwapiq körduq we uning bu uslubni qandaq yasighanliqini sorighinimizda, u özining gollandiyege kélip tunji bashlighan pa'aliyitiningmu gül bilen bashlan'ghanliqini, gül arqiliq siyasiy meqsetlerning sen'et yoli bilen ipadilinishining qimmiti yuqiri bolidighanliqini bildürdi.

Zeynidin tursun ependi bu güllerning tebi'iy gül ikenliki, her bir “Tizma gül lewhesi” yasap chiqish üchün qanchilik gül, qanchilik waqit we zéhin serp bolidighanliqi heqqidimu toxtilip ötti we bu uslubini gollandiye, yawropa we amérika parlaméntlirining diqqitini chekkiche tereqqiy qildurush niyiti barliqini éytti.

U özining shu qeder chiqim we zéhin bilen heriket qildurghan nersining weten söygüsi ikenlikini, xelq söygüsi ikenlikini, bildürüp kélip: “Weten dewasi mining ibaditim” dédi.

Gollandiyede yashawatqan Uyghur siyasiy aktipliridin abdusalam niyaz ependi, zeynidin tursun ependining “Tizma gül lewhesi” yasap muhim künlerni xatirileshtek iradisining qedirlinishke tégishlik bir roh dep qaraydighanliqini we uning mu'eyyen jehette paydisi bolghanliqini bildürdi.

Zeynidin ependim bu qétim yene bir tizma gül lewhesi yasap 5‏-féwral ghulja qirghinchiliqini xatirilinishidiki tüp meqset heqqide toxtilip, “Weten-xelqining ehwaligha échinish bilen birge, barliq wetendashlirining dewa yolidin waz kechmeslikke chaqirishni meqset qilghanliqi” ni bildürdi.

U sözining axirida hazirgha qeder xatirilewatqan barin, ghulja we ürümchi qirghinchiliqlirini mahiyette tüptin oxshash bir weqe dep qaraydighanliqini bildürdi hemde imkani yar berse Uyghur élide yüz bergen her bir muhim weqelerni mushu xil uslub bilen xatirilep téximu köp insanlarni jelp qilishni xalaydighanliqini bildürdi.

Gollandiyede yashawatqan Uyghur diniy ziyaliy hüseyin tejelli ependimu bu heqte oylighan we hés qilghanlirini radi'o anglighuchilirimiz bilen ortaqliship, herqandaq bir Uyghurning öz mewqesini herqandaq uslubta ipadilep turush mejburiyiti bar, dep qaraydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.