Zulpiqar özbashning tutulghanliqi delillendi, gheyretjan osmanning tutulghanliqi ilgiri sürülmekte

Muxbirimiz shöhret hoshur
2018.09.17
Zulpiqar-Barat-Ozbash-we-Gheyretjan-Osman.jpg Zulpiqar barat özbash (solda) we gheyretjan osman (ongda).
Social Media

Muxbirimizning shinjang uniwérsitétining uniwérsal tüzesh qomandanliq merkizidin ehwal igilishi dawamida mezkur uniwérsitétning tonulghan tetqiqatchiliridin zulpiqar barat özbashning tutqun qilin'ghanliqi delillendi. Shinjang uniwérsitéti filologiye institutining proféssori gheyretjan osmanning 2008‏-yili türkiyede échilghan bir xelq'araliq ilmiy muhakime yighin'gha qatnashqanliqi üchün tutulghanliqi ilgiri sürülmekte.

Hörmetlik radi'o anglighuchilar, radiyomizgha kelgen inkasta shinjang uniwérsitétidin tutqun qilin'ghanlar arisida yéqinqi yillarda “Tengritagh alimi” dégen namdiki mutexessislerni jelp qilish türi boyiche shinjang uniwérsitétining filologiye institutigha teklip qilin'ghan tetqiqatchi zulpiqar barat özbashningmu barliqi ilgiri sürüldi.

‏Shinjang uniwérsitétining uniwérsal tüzesh qomandanliq merkizige qarita élip barghan téléfon ziyaritimiz dawamida zulpiqar barat heqqidimu melumat soriduq. Alaqidar xadim u heqte ma'arip nazaritidin melumat sorishimizni tewsiye qildi. Biz uningdin zulpiqar baratning tutqun qilin'ghanliqi heqqide kimlerdin uchur alalaydighanliqimizni sorighinimizda buning hemme kishi bilidighan bir uchur ikenlikini bayan qildi.

Amérikidiki Uyghur pa'aliyetchi qutluq almas shinjang uniwérsitétidin tutulghanlar arisida özining sabiq xizmetdashliridin proféssor azad sultan we gheyretjan osmanlarningmu barliqini barliqini tilgha alghan idi. Biz shinjang uniwérsitéti uniwérsal tüzesh qomandanliq merkizining xadimidin bu ikkiylen heqqidimu melumat soriduq. Mezkur xadim bularning tutulghanliqidin xewiri yoqluqini bildürüsh bilen birlikte zulpiqar baratning tutulush sewebidin xewersiz ikenlikini éytti. Shinjang uniwérsitétida “Terbiyelesh merkizi” ning yoqluqini bayan qilghan bu xadim uniwérsitéttin “Terbiyelesh” ke ekétilgenler heqqide yuqiri derijilik rehberlerdin melumat sorishimizni tewsiye qildi.

Bügün radiyomizgha kelgen yene bir inkasta Uyghur klassik edebiyat tetqiqatchisi gheyretjan osmanning chet'elge chiqqanliqi üchün tutulghanliqi ilgiri sürülgen idi. Radiyomizning xewer arxipliridin uning 2008‏-yili türkiyening bursa shehiride échilghan xelq'araliq türkiy tilar ilmiy muhakime yighinigha qatnashqanliqi aydinglashti. Amérikidiki pa'aliyetchi qutluq almas ependi proféssor gheyretjan osmanning chet'elge chiqip ilmiy muhakime yighinigha qatnashqanliqining uning tutulushigha seweb bolghanliqini chetke qaqmighan bolsimu, emma u shughulliniwatqan Uyghur klassik edebiyati oqutushi we tetqiqatiningmu nöwettiki weziyette gheyretjan osmanning tutulushigha yéterlik seweb bolalaydighanliqini ilgiri sürdi.

Hörmetlik radi'o anglighuchilar, éniqlashlirimiz dawamida tutqun qilin'ghanliqi delillen'gen tetqiqatchi zulpiqar barat özbash 2007‏-yili amérikining haway uniwérsitétida jem'iyetshunasliq kespi boyiche oqughan we doktorluq unwanigha érishken idi. U amérikidiki oqushini tamamlighandin kéyin ürümchide Uyghur ziyaliri arisida teshkilligen “Ilim chéyi” pa'aliyiti we ijtima'iy taratqulardiki bir yürüsh léksiye we munaziriliri bilen nam qazan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.