Американиң "байрақ күни" дә уйғурларму коммунизм қурбанлирини хатириләш мурасимиға қатнашти

"уйғур һәрикити" тәшкилатидин рошән аббас ханим вашингтонда өткүзүлгән коммунизм қурбанлирини хатириләш мурасимида гүлчәмбирәк тәқдим қилди. 2019-Йили 14-июн. Вашингтон, америка.

"уйғур һәрикити" тәшкилатидин рошән аббас ханим вашингтонда өткүзүлгән коммунизм қурбанлирини хатириләш мурасимида гүлчәмбирәк тәқдим қилди. 2019-Йили 14-июн. Вашингтон, америка.

14-Июн күни американиң "байрақ күни" болуп, бу күн һәрбийләр байрими һесаблиниду. Бу күндә дуняниң һәрқайси җайлиридики әркинлик үчүн қилинған җәңләрдә қурбан болған америка әскәрлири хатирилинип, уларға гүлчәмбирәкләр тәқдим қилиниду. Бу күндә йәнә америкадики коммунизм қурбанлирини хатирә фонди тәрипидин америка пайтәхти вашингтонда дуняниң һәрқайси җайлирида коммунизм реҗиминиң зиянкәшликигә учриған қурбанларни хатириләш паалийитиму өткүзүлүп келинмәктә.

Бу йиллиқ коммунизм қурбанлирини хатириләш мурасими бундин 12 йил илгири америка президенти җорҗ боз дәвридә америка пайтәхти вашингтонниң нев-җерси кочиси билән массачусетс кочисиниң кесишкән җайиға орнитилған әркинлик һәйкили мәйданида 14-июн күни әтигән саәт 9 да өткүзүлгән.

Бу йиллиқ паалийәткә илгири коммунистик реҗимниң зиянкәшликигә учриған шәрқий явропа, асия вә латин америкисидики 20 дин артуқ дөләтниң вашингтондики әлчиханисида ишләйдиған дипломатлар, кишилик һоқуқ тәшкилатлири, вашингтонда паалийәт елип бериватқан уйғур тәшкилатлири вә бир қисим уйғур паалийәтчилириму тәклип билән қатнашқан.

Мурасимға қатнашқан уйғур паалийәтчилиридин америкадики "уйғур һәрикити" тәшкилатиниң башлиқи рошән аббас ханим зияритимизни қобул қилди. У мәзкур паалийәттә коммунизм қурбанлири қатарида хитай коммунист һакимийитиниң зиянкәшликигә учриған тйәнәнмин қурбанлири, уйғурлар вә тибәтләрниңму тилға елинғанлиқини, паалийәт давамида коммунизм қурбанлириға атап хатирә мунариға гүлчәмбирәкләрниң қоюлғанлиқини баян қилди.

Мәзкур паалийәткә риясәтчилик қилған коммунизм қурбанлири хатирә фондиниң башлиқи марийон смит әпәнди вә мәзкур фондниң мәсуллиридин доктор лее едвард қатарлиқларму сөз қилди. Улар баянлирида сабиқ совет иттипақи, шәрқий германийә, полша, албанийә, чехисловакийә, руминийә, венгирийә қатарлиқ дөләтләр, асиядики хитай, шималий корейә, вийетнам қатарлиқ дөләтләр вә җәнубий америкадики куба қатарлиқ дөләтләрдики коммунизмниң зиянкәшликигә учриған қурбанларни унтуп қалмаслиққа чақирған. 

Америкадики уйғур кишилик һоқуқ қурулушиниң тәтқиқатчиси зубәйрә шәмсидин ханиму зияритимизни қобул қилип, мәзкур паалийәттә хитай коммунист һакимийити астида һелиһәм зиянкәшликкә учраватқан хәлқләр һәққидики баянларниң өзигә интайин чоңқур тәсир қилғанлиқини билдүрди.

Мурасимда йәнә 2019-йиллиқ "троман-реган әркинлик мукапати" ниң соғуқ мунасивәтләр уруши мәзгилидә вәзипә өтәп, 1974-йили пенсийигә чиққан сабиқ учқучи колгаил халверсонға берилгәнлики елан қилинған. 

Рошән ханим бу һәқтә тохталғинида бундин бирқанчә йиллар илгири мәзкур мукапатниң дуня уйғур қурултийиниң рәиси долқун әйса әпәндигиму берилгәнликини әскәртип өтти.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар