Uyghur yash: “Amérikigha kélip tunji qétim musulmandek roza tutalidim”

18 Yashqa toshmighan yash ösmürlerni meschitke kirishtin resmiy chekligendin sirt, mekteplerde oqughuchilarni diniy ibadetlerdin yiraqlashturush üchün, dinsizlashturush terbiyisige mejburlidi. Bolupmu ramzan mezgilide, mekteplerde mejburiy ghizalandurulush, roza tutqanliqi ashkarilan'ghan oqughuchilarni bolsa jazalash, hetta mekteptin heydeshtek qattiq tedbirler omumyüzlük dawam qilip keldi. Mana bu tedbirler xitayning Uyghur perzentlirini assimilyatsiye qilishni meqset qilghan “Qosh til ma'aripi” siyasiti bilen mas halda élip bérilmaqta. Emma biz amérikigha kélip oquwatqan bir Uyghur perzentining bayanliridin, xitayning mushu xil siyaset tedbirlirining emeliyette közligen meqsitining eksiche netije bérip, Uyghur perzentlirining milliy hem diniy kimlikini izdesh arzusini kücheytip bériwatqanliqini köreleymiz.

Nöwette xitayning dinsizlashturush we assimilyatsiye siyasiti iskenjisidin qutulup amérikigha kelgen, emdila yashliqigha qedem qoyghan bu Uyghur perzenti bilen muxbirimiz gülchéhrening ötküzgen söhbitige ishtirak qilghaysiz.