Maysem mutellip yétekchilikidiki namayishchilar wolkswagén aptomobillirini sétish orunlirigha bérip namayish qilghan

Muxbirimiz memetjan jüme
2021-04-18
Share
Maysem mutellip yétekchilikidiki namayishchilar wolkswagén aptomobillirini sétish orunlirigha bérip namayish qilghan Uyghur alime maysem mutellip yétekchiliki namayishchilar shenbe küni yene boston shehiridiki wolkswagén aptomobillirini sétish orunlighan bérip namayish qilghan. 2021-Yili 17-aprél.
Social Media

Uyghur alime maysem mutellip yétekchilikidiki namayishchilar shenbe küni yene boston shehiridiki wolkswagén aptomobillirini sétish orunlirigha bérip namayish qilghan we ularni Uyghurlargha qaritilghan irqiy qirghinchiliq mesilisige inkas qayturushqa chaqirghan.

Maysem mutellip shenbe kündiki namayish heqqide tarqatqan twittér uchurigha qarighanda, namayish boston shehiridiki wolkswagén aptomobillirini mexsus satidighan 3 shirketning aldida élip bérilghan.

U, bu heqte tarqatqan neq meydan uchurliri we qisqa filimge qarighanda, namayishchilar wolkswagén shirkitini irqiy qirghinchiliq mesiliside terep tutushqa, xéridarlarni wolkswagén aptomobillirini almasliqqa dewet qilghan.

Wolkswagén shirkitining 1. 8 Milyondin 3 milyon'ghiche Uyghur we bashqa türkiy milletler qamalghan jaza lagérliri mewjut Uyghur élide mashina ishlepchiqirish zawuti bar bolup, ular ilgiri mezkur rayon bilen bolghan soda alaqisini üzüshke chaqirilghan idi.

Halbuki, wolkswagén rayondiki zawutlirini taqash mesilisidin özini qachurup kelgen.

Maysem mutellip xanim bostondiki dunyagha dangliq uniwérsitét-massachuséts téxnologiye institutining ghol hüjeyre tetqiqatchisi we meshhur alime.

U, xitayning Uyghurlargha qaratqan basturush heriketliri, insan hoquqliri buzghunchiliqlirigha qarshi üzlüksizpa'aliyet qilip kishilerni bu mesilisige diqqet aghdurushqa chaqirip kéliwatqan awan'gartlarning biri.

Maysem mutellip xanim qatarliq bir qisim namayishchilar ötken hepte axirimu bostondiki wolkswagén aptomobillirini sétish orunlirigha bérip namayish qilghan idi.

 

 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet