Уйғур мәҗбурий әмгәк мәсилиси җәнвәдә башланған б д т “сода вә кишилик һоқуқ мунбири” ниң муһим темиси болди

Берндин ихтиярий мухбиримиз һәбибулла изчи тәйярлиди
2023.11.28
BDT-kishilik-hoquq-05

“бирләшкән дөләтләр тәшкилатиниң 12-қетимлиқ сода вә кишилик һоқуқ мунбири” темисидики йиғиниға қатнашқан уйғур вәкилләр, 2023-йили 27-ноябир, җәнвә RFA/Hebibulla

BDT-kishilik-hoquq-03

“бирләшкән дөләтләр тәшкилатиниң 12-қетимлиқ сода вә кишилик һоқуқ мунбири” темисидики йиғинида америка уйғур бирләшмисиниң рәиси әлфидар илтәбир сөз қилмақта. 2023-Йили 27-ноябир, җәнвә RFA/Hebibulla

BDT-kishilik-hoquq-02

“бирләшкән дөләтләр тәшкилатиниң 12-қетимлиқ сода вә кишилик һоқуқ мунбири” темисидики йиғиниға кириштин илгири, уйғур вәкилләр хатирә сүрәткә чүшти. 2023-Йили 27-ноябир, җәнвә RFA/Hebibulla

BDT-kishilik-hoquq-01

Уйғур вәкилләр йиғин арилиқида оттуриға қуюлидиған пикирләрни музакирә қиливатқан көрүнүш. 2023-Йили 27-ноябир, җәнвә RFA/Hebibulla

BDT-kishilik-hoquq-06

“бирләшкән дөләтләр тәшкилатиниң 12-қетимлиқ сода вә кишилик һоқуқ мунбири” темисидики йиғин ечиливатқан залниң көрүнүши. 2023-Йили 27-ноябир, җәнвә RFA/Hebibulla

Бирләшкән дөләтләр тәшкилатиниң 12-қетимлиқ сода вә кишилик һоқуқ мунбири” темисидики йиғини башланди. Бу йиғинға дуня уйғур қурултийи, америка уйғур бирләшмиси, уйғур кишилик һоқуқ қурулуши, уйғур һәрикити қатарлиқ муһаҗирәттики уйғур тәшкилатлири, шундақла адвокат рәйһан әсәтни өз ичигә алған бир қисим паалийәтчиләр қатнашти.

Бу мунасивәт билән дуня уйғур қурултийиниң рәиси долқун әйса җәнвәдә зияритимизни қобул қилди. У, бу қетимқи йиғинниң мәқсити, йиғинда музакирә қилинидиған темилар, шундақла дуня уйғур қурултийиниң бу бир һәптә ичидә б д т да елип баридиған паалийәтлири һәққидә мәлумат бәрди.

Б д т ниң бу қетимқи йиғиниға америка уйғур бирләшмисиниң рәиси әлфидар илтәбир ханимму қатнашқан болуп, у бу йиғинда уйғур районидики қул әмгики вә кишилик һоқуқ дәпсәндичиликлири һәққидә сөз қилди. У, уйғур мәҗбурий әмгики вә уйғур диярида ишләпчиқириливатқан күнтахтаниң уйғур мәҗбурий әмгики билән мунасивәтлик икәнликини, шәрқий түркистанда уйғур мәҗбурий әмгики һазирму давам қиливатқан бир вақитта бу теминиң тилға елинмай туруп башқа темиға өтүп кетишкә болмайдиғанлиқи һәққидә җиддий рәвиштә пикир баян қилди.

Нәқ мәйдандин зияритимизни қобул қилған әлфидар ханим өзиниң бу қетимқи йиғинда җиддий рәвиштә тәкитлигән муһим нуқтилири һәққидә изаһат берип өтти.

Бу қетим б д т ниң җәнвәдики шитабида өткүзүлидиған паалийәтләр ичидә йәнә келәр қетимлиқ б д т ниң һәр қайси дөләтләрниң кишилик һоқуқ әһвалини көздин кәчүрүш йиғини вә хитайниң кишилик һоқуқ әһвалини тәкшүридиған мәхсус йиғинниң тәйярлиқ хизмәтлириму ишлинидикән. Дуня уйғур қурултийи аяллар комитетиниң мудири, д у қ ниң программа йетәкчиси зумрәтай ханимму зияритимизни қобул қилип, бу қетимқи җәнвәдики паалийәтләр һәққидә мәлумат бәрди.

Мәркизи америкадики уйғур һәрикити тәшкилатиниң хадими сәркан таш әпәнди б д т ниң бу қетимлиқ йиғинида уйғур мәсилисини күнтәртиптә тутуп туруш үчүн қилмақчи болған ишлар һәққидә учур берип өтти.

Б д т ниң бүгүнки йиғинида сөзгә чиқмақчи болған адвокат рәйһан әсәт ханим, өзиниң бу йиғинға келиштики мәқсити вә бүгүн оттуриға қоймақчи болған темиси һәққидә мәлумат берип өтти.

Бу қетимлиқ йиғин б д т ниң 2011-йили қурған “сода вә кишилик һоқуқ мунбири” ниң 12-қетимлиқ йиғинидур. Бу қетимлиқ йиғин “мәҗбурийәт, мәсулийәт вә мәсулийәтни орунлашта өзгириш һасил қилип йеңи дуня бәрпа қилиш” ни өзиниң шоари қилған. Бу қетимқи йиғинда асаслиқ тема мәҗбурий әмгәк вә шуниңға четишлиқ мәсилиләр музакирә қилидикән. Б д т сода вә кишилик һоқуқ комитетиниң тор бетидә билдүрүшичә, бу қетимқи йиғинға дуняниң һәр қайси җайлиридин икки миңдин артуқ вәкил қатнашқан болуп, бу йиғин икки күн давамлишидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.