Афғанистанда паһишихана ечиш вә паһишивазлиқ билән шуғуллиниш әвҗ алған

Гәрчә афғанистанда паһишихана ечиш вә паһишивазлиқ билән шуғуллиниш қанунсиз һесаблансиму, кабулниң ават вә юқири тәбиқидикиләр кочилиридин болған, вәзир әкбәрхан кочисиниң кәйнидә хитайлар игидарчилиқидики паһишиханилар әвҗ елишқа башлиған.
Мухбиримиз җүмә хәвири
2008.05.19

 Ройтерс агентлиқиниң нәқил елип көрситишичә, арқа кочилардики паһишиханиларда ишләйдиған бир хитай паһишә, һазир кабулниң өзидила 200 нәпәр хитай паһишә аял барлиқини, гәрчә кабул анчә бихәтәр болмисиму , пулни обдан тапқили болғачқа бу йәрдә турушқа рази икәнликини билдүргән.

Хәвәрдә көрситишичә, кабул сақчилири бирнәччә паһишиханиға бастуруп кирип уларни тақивәткән болсиму, әмма хоҗайинлар сақчиларға пара берип тиҗаритини давамлаштуривиридикән .

 Мәлум болушичә, хитайлар игидарчилиқидики бу паһишиханиларниң херидари чәтәлликләр болуп, афғанлар асасән киргүзүлмәйдикән.

Хәвәрдә оттуриға қоюлушичә йәнә, җинсий мунасивәт арқилиқ тарқилидиған кесәлликләр һазир афғанистандики барғанчә еғирлишиватқан бир иҗтимаий мәсилә болуп, буларниң көпинчиси җинсий сағламлиқ билимлириниң төвән болуши вә қалаймиқан җинсий мунасивәт қилиштин келип чиққан икән.

Мунасивәтлик хәвәрләр
Оттура асия хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.