Afghanistanda pahishixana échish we pahishiwazliq bilen shughullinish ewj alghan
Muxbirimiz jüme xewiri
2008.05.19
2008.05.19
Roytérs agéntliqining neqil élip körsitishiche, arqa kochilardiki pahishixanilarda ishleydighan bir xitay pahishe, hazir kabulning özidila 200 neper xitay pahishe ayal barliqini, gerche kabul anche bixeter bolmisimu , pulni obdan tapqili bolghachqa bu yerde turushqa razi ikenlikini bildürgen.
Xewerde körsitishiche, kabul saqchiliri birnechche pahishixanigha basturup kirip ularni taqiwetken bolsimu, emma xojayinlar saqchilargha para bérip tijaritini dawamlashturiwiridiken .
Melum bolushiche, xitaylar igidarchiliqidiki bu pahishixanilarning xéridari chet'ellikler bolup, afghanlar asasen kirgüzülmeydiken.
Xewerde otturigha qoyulushiche yene, jinsiy munasiwet arqiliq tarqilidighan késellikler hazir afghanistandiki barghanche éghirlishiwatqan bir ijtima'iy mesile bolup, bularning köpinchisi jinsiy saghlamliq bilimlirining töwen bolushi we qalaymiqan jinsiy munasiwet qilishtin kélip chiqqan iken.