Bishkekte bir ayropilan chüshüp ketti

Qirghizistanning xususiylar igidarchiliqidiki "itek yer" hawa yolliri shirkitining "boying - 737" markiliq bir yoluchilar ayropilani yekshenbe küni bishkektiki manas ayrodromidin kötürülüp, besh kilométir yéqin yerge chüshüp ketken hemde 100 din artuq yoluchining ichide 25 adem saq qalghan.
Muxbirimiz ümidwar xewiri
2008-08-24
Share

 Intérfakis agéntliqining qirghizistan menbeliridin neqil keltürüshiche, ayropilan bishkektin iranning meshhed shehirige qarap uchqan bolup, ayropilan kötürülüp, uzun ötmeyla téxnika sewebidin qaytish telep qilin'ghan hem qaytiwétip, manas ayrodromigha yéqin janijer dégen yerge chüshüp ketken.

Qirghizistan jiddiy ishlar ministiri qamchibék tashiyéw ayropilanda 123 adem barliqini bildürgen. Qirghizistan uchur agéntliqliri jiddiy qutquzush ishliri élip bérilghanliqi hemde qutuldurulghan yaridarlarning bishkektiki doxturxanilargha élip kélin'genlikini xewer qilishqan.

Biraq, bu weqege zadi qandaq seweb bolghanliqi téxi éniqlanmighan bolup, manas ayrodromida turidighan amérikining herbiy bazisimu heqiqeten ayropilan chüshüp kétish weqesi bolghanliqini bildürgen. Hazir bu weqede 90 din artuq ademning ölgenliki heqqide uchur tarqalghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet