Keshmirde on minglighan kishi naraziliq namayishi ötküzdi

Shenbe küni on minglighan musulman keshmirning hindistanning kontrolliqidiki bölikining paytexti srinagar shehiride namayish ötküzüp, hindistan hökümitining dölet igilikidiki 40 géktar yerni hindi ziyaretchilerni orunlashturush üchün binalar sélish meqsitide keshmirdiki bir hindi butxanisigha bergenlikige naraziliq bildürdi.
Muxbirimiz ömer qanat xewiri
2008-06-28
Share

 Namayishchilarning éytishiche, hindistan hökümitining bu herikiti ahalisining mutleq köp qisimi musulmanlardin teshkil tapqan keshmirge hindularning kélip orunlishishigha yul ichishi we bu rayonda hindularning nopus nisbitini köpeytiwétishi mumkin iken.

Amérika birleshme agéntliqining xewer qilishiche, hindi'istan saqchiliri namayishchilarni tarqitish közdin yash aqquzidighan gaz ishletken hemde hawagha oq chiqarghan. Xewerde éytilishiche, saqchilar bilen namayishchilar otturisida chiqqan toqunushlarda üch kishi ölgen we az dégende 12 saqchi we 29 neper namayishchi yarilan'ghan.

Hindistan hökümet da'iriliri, hökümetning keshmirge hindi nopusi orunlashturush we rayondiki hindularning sanini köpeytish pilani barliqi toghrisidiki eyibleshlerni ret qilmaqta.

Hindistan hökümiti keshmir musulmanlirining musteqilliq herikitini basturush we keshmir üstidiki kontrolluqini saqlap turush üchün, rayon'gha 700 ming herbiy qisim orunlashturghan. Rayonning musteqilliqi üchün köresh qiliwatqan musulman guruppilar bilen hindistan herbiy qisimliri otturisida qanliq toqunushlargha sehne bolghan keshmir, musulmanlar küp sanni igileydighan hindistanning birdin bir ölkisi hésablinidu.

Xewerlerge qarighanda, keshmir ning musteqilliqi üchün pa'aliyet élip bériwatqan musulman guruppilar bilen hindistan bixeterlik qisimliri otturisidiki yüz bergen toqunushlarda hazirghiche on minglighan kishi ölgen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet