Пакистанниң афғанистандики баш әлчиси, талибанлар тәрипидин гөрүгә елинғанлиқи билдүрүлди

11‏- Феврал күни, афғанистанниң пайтәхти кабул шәһиридин, пакистанниң пешавар шәһиригә кетиватқан мәзгилдә, хәйбәр районида, шопури вә қоғдиғучси билән бирликтә из-дерәксиз ғайиб болуп кәткән.
Мухбиримиз өмәр қанат хәвири
2008.04.19

  Пакистанниң афғанистандики баш әлчиси тариқ әзизидин, шәнбә күни әл-әрәбийә телевизорда көрситилгән бир синалғу линтисида, талибанлар тәрипидин гөрүгә елинғанлиқини билдүрүп, пакистан һөкүмитини талибанларниң тәләплирини қобул қилишқа чақирди.

Пакистан һөкүмити техи униң талибанлар тәрипидин гөрүгә елинғанлиқини очуқ-ашкара етирап қилмиди. Лекин баш әлчиниң, түрмидики сәпдашлириниң қоюп берилиши тәләп қиливатқан қораллиқ бир гуруппа кишиләр тәрипидин тутуп турулуватқанлиқини билдүрмәктә.

Пакистанниң афғанистан баш әлчиси, телевизордики баянатида, саламәтлик әһвалиниң күнсери начарлишиватқанлиқини билдүрүп, пакистан һөкүмитини тездин талибанларниң тәләплирини қобул қилип, пакистан түрмисидики мусулманларни қоюп беришкә чақирған.

Пакистан-афғанистан чегра райони наһайити хәтәрлик бир район болуп, һазирғичә бу районда онлиған кишиләр һәр қайси тәшкилатлар тәрипидин гөрөгә елинған. Сиясий мулаһизичиләрниң билдүрүшичә, пакистан баш әлчисиниң гөрүгә елиниши, пакистандики муқимсизлиқ вәзийитиниң қанчилик җиддий икәнликини хәлқара җамаәткә йәнә бир қетим көрсәткән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.