Pakistan talibanlargha qarshi herbiy heriket bashlidi

Pakistan herbiy qisimliri, pakistanning gherbiy shimaliy rayonigha jaylashqan péshawar shehiri yéqinda taliban militantlirigha qarshi keng kölemlik bir tazilash herikiti bashlatqan.
Muxbirimiz ömer qanat xewiri
2008-06-28
Élxet
Pikir
Share
Print
 
Bu heriket pakistanda yéshi ish béshigha kelgen hökümet teripidin pakistanning qebililer rayonida taliban küchlirige qarshi élip bérilghan tunji herbiy heriket hésablinidu.

Xewerlerge qarighanda, pakistan herbiy qisimliri shenbe küni taliban militantlirining taghliq xeyber rayonidiki bazilirini bombardiman qilghan. Pakistan bixeterlik xadimlirining bildürüshiche, hökümet pakistan - afghanistan chégra rayonigha jaylashqan bara rayonida herbiy halet élan qilghan.

Afghanistandiki taliban küchlirining yéqindin béri afghanistan milliy armiyisi we afghanistandiki amérika we ittipaqdash armiye küchlirige qaratqan hujumlirini köpeytishi we qendehar shehiridiki bir türmige hujum qilip türmidiki yüzligen mehbusni qutquzup kétishi afghanistan, amérika hemde shimaliy atlantik okyan ehdi teshkilatining pakistan hökümitige qarshi bésimni kücheytishige seweb bolghan.

Afghanistan hökümiti pakistan hökümitini talibanlarning afghanistandiki hujumlirigha yardem bériwatidu dep eyibligen. Amérika we gherb döletliri bolsa, paksitan hökümitini, talibanlarning bolupmu paksitan - afghanistan chégra rayonidiki pa'aliyetlirini toxtitish üchün yéterlik tedbir almaywatidu dep tenqid qilghan idi.

Toluq bet