Nazarbayéf astana shehirige öz ismini qoyushqa qarshi chiqti
Muxbirimiz ümidwar xewiri
2008.06.08
2008.06.08
Prézidént nazarbayéf bu teshebbusini anglighandin kéyin, derhal söz qilip, bundaq idiyini otturigha chiqarghan parlamént ezalirigha rehmet éytish bilen birge heqiqeten bu sheherni özining dölet paytexti qilip özgertip, uni qurushqa bashlighanliqini, biraq, mezkur nuqtidin chiqish qilip, sheher namini özgertishning namuwapiq ikenlikini bildürgen.
Nazarbayéf " men héch yerge ketmekchi emesmen, men dawamliq halda xelqim qachan'ghiche manga ishense, méning salametligim yar bergüche uzun ishlimekchimen" dep tekitligen.
Qazaqistanni öz ichige algha bir qisim ottura asiya jumhuriyetlirining sheherlirining namliri yéqinqi 80 yildin béri bir qanche qétim özgertilishi musapilirini bashtin kechürgen bolup, astana shehirining namimu bir qanche qétim özgertilgen, mana emdi uni yene " nursultan" dep özgertish pikirliri meydan'gha chiqqan.