Türkmenistan - xitay gaz turuba yoli qazaqistandin ötidu

 Perghane agéntliqining xewer qilishiche, türkmenistandiki gaz menbesidin bashlinidighan mezkur turuba yoli qurulushi qazaqistanning jambul oblasti, jenubiy qazaqistan we almuta oblastliridin ötüp, Uyghur élining qorghas chégrisidin kiridu. Omumiy musapisi 1300 kilométir kélidu. Bu yol arqiliq yilda 40 milyard kubmétir tebi'iy gaz toshulidu.

Bu turuba yoli basquchlar bilen qurulidu. Aldi bilen özbékistan chégrisidin qazaqistanning chimkent shehirige, arqidin dawamliq halda almuta - qorghas liniyisi boyiche jenubiy qazaqistandin ötidu. Qazaqistan terep bu yolni nahayiti muhim dep hésablighan bolup, bu arqiliq bir tereptin xitaygha gaz éksport qilsa, yene bir tereptin qazaqistanning jenubidiki bir qisim jaylarning tebi'iy gaz bilen teminlinishini ilgiri sürgili bolidiken.

Bu qétim échilghan yighinda mutexessisler mezkur qurulushning qazaqistan üchün zor iqtisadiy we ijtima'iy payda keltüridighanliqini mu'eyyenleshtürgen.

Xitay qazaqistan, türkmenistan we özbékistan bilen tebi'iy gaz kélishimliri tüzgen bolup, ulardin élinidighan gazlarni toshush üchün mexsus turuba yoli qurush heqqidimu pütüshüm hasil qilin'ghan idi.