Xitay inzhénér afghanistanda qoralliq kishiler teripidin görüge élindi

Düshenbe küni afghanistanning paytexti kabul shehirining jenubiy rayonigha jaylashqan werdek wilayitide bir xitay inzhénéri afghanistanliq shopuri bilen birlikte namelum qorallliq kishiler teripidin görüge élin'ghan.
Muxbirimiz eqide xewiri
2008.07.01

 Werdek wilayitining walisi eli exmet kashining franisye agéntliqigha bildürüshiche, afghan bixeterlik qisimliri görüge ilin'ghan xitay inzhénérning shopurini görüge alghuchilarning qolidin qutquziwalghan. Lékin xitay inzhénér hélimu görüge alghuchilarning qolida bolup, afghanistan bixeterlik qisimliri uni qutquzush üchün pa'aliyetlirini dawamlashturmaqta.

Talibanlarning bayanatchisi zebibulla mujahid, talibanlarning xitay inzhénérini görüge élish weqesi bilen munasiwiti yoqluqini bildürgen.

Xewerlerge qarighanda, görüge élin'ghan xitay inzhénér, afghanistanning paytexti kabulni werdek wilayitige tutashturidighan tash yolni yasashni höddisige alghan xitay qurulush shirkitining xizmetchisi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.