Америка вә яврупа иттипақи рәһбәрлири иранға қаттиқ иқтсадий җаза йолға қойидиғанлиқини билдүрди

Америка президенти җурҗ буш вә америкиниң явропадики иттипақдашлири, сәйшәнбә күни словенийидә өткүзгән алий дәриҗилик йиғинида, ядро программисини тохтатмиған иранға қаттиқ иқтсадий җаза йолға қойидиғанлиқи һәққидә тәһдит қилди.

2008-06-10
Share

 Америка бирләшмә агентлиқиниң хәвәр қилишичә, президенти буш йиғинда қилған сөзидә, ядро қорал билән қоралланған иран, дуняниң тинчлиқи үчүн җиддий хәвп елип келиду дәп көрсәткән.

Президент буш вә яврупа иттипақиға әза дөләтләрниң рәһбәрлири, иранниң, ядро саһәсидики паалийитини ашкарилап, хәлқара атом енергийиси идарисиниң иранниң ядро программисини тәкшүрүшигә рухсәт бериши керәкликини билдүргән.

Америка, русийә, хитай, әнгилийә, германийә вә франсийә қатарлиқ 6 дөләт иранни ядро программисини тохтитишқа мәҗбурлаш үчүн, йеңи иқтсадий җаза тәдбирлири йолға қоюшни пиланлимақта. Хәвәрләргә қариғанда, яврупа иттипақиниң ташқи сиясәттин мәсул алий дәриҗилик хадими хавер солана йеқинда иран рәһбәрлири билән көрүшүш үчүн иранни зиярәт қилидикән.

Словенийидики алий дәриҗилик йиғинда яврупа иттипақиға әза 27 дөләтниң, дөләт башлиқлири билән учрашқан президент буш, бу қетимқи яврупа сәпири җәрянида, италийә, франсийә вә әнгилийини зиярәт қилидикән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт