پرېزىدېنت بۇش ئوتتۇرا شەرق زىيارىتىنى ئاخىرلاشتۇردى

ئوتتۇرا شەرقتە بەش كۈن زىيارەتتە بولغان ھەم ئىسرائىلىيە دۆلىتىنىڭ قۇرۇلغانلىقىنىڭ 60 يىللىق مۇراسىمىغا قاتناشقان ئامېرىكا پرېزىدېنتى جورج بۇش زىيارىتىنى غەلىبىلىك ئاخىرلاشتۇردى.
مۇخبىرىمىز ئۈمىدۋار خەۋىرى
2008-05-18
Share

 ئامېرىكا ئاۋازىنىڭ خەۋەر قىلىشىچە، پرېزىدېنت بۇش يەكشەنبە كۈنى ئەرەب دۆلەتلىرى رەھبەرلىرىنى ئىران ۋە سۈرىيىنىڭ سىياسەتلىرىنى قوبۇل قىلماسلىققا دەۋەت قىلغان شۇنىڭدەك مىسىردىكى ئىقتىسادىي ھەمكارلىق يىغىنىدا نۇتۇق سۆزلىگەندە ئىران بىلەن سۈرىيىنى تىلغا ئېلىپ، ئۇلارنىڭ سىياسىي ۋە ئىقتىسادىي جەھەتتىن چەكلەش سىياسىتى ئېلىپ بېرىۋاتقانلىقىنى تەنقىد قىلغان شۇنىڭدەك يەنە ئەرەب دۆلەتلىرىنى ئىراننىڭ يادرو پىلانىغا قارشى تۇرۇشقا چاقىرغان. بۇش بۇ قېتىمقى سەپىرىدە يەنە ئەرەب دۆلەتلىرىنى خاماس تەشكىلاتىغا قارشى تۇرۇشقا دەۋەت قىلغان.

نۆۋەتتە، ئىسرائىلىيە - پەلەستىن مەسىلىسى ئوتتۇرا شەرق كرىزىسىنىڭ ئاچقۇچلۇق نۇقتىسىغا ئايلانغان بولۇپ، ئامېرىكا ھۆكۈمىتى پەلەستىن بىلەن ئىسرائىلىيىنىڭ تىنچلىق بىلەن يارىشىشقا چاقىرىپ، پەلەستىن دۆلىتىنىڭ قۇرۇلۇشى قوللايدىغانلىقىنى بىلدۈرمەكتە. بىراق، پەلەستىن ھۆكۈمىتى ئىچكى قىسمىدىكى زىددىيەت ئېغىر بولۇپ، خاماس پارتىيىسى ماخمۇد ئابباسنىڭ فاتاھ پارتىيىسىنى ئەيىبلىمەكتە. خاماس ئىسرائىلىيىنى ئېتىراپ قىلماسلىقنى شەرت قىلغان بولۇپ، بۇ غەربنىڭ قارشىلىقىغا ئۇچرىغان. ئۇنىڭ ئۈستىگە يەنە ئىراننىڭ ئاتوم پىلانىمۇ ئىزچىل تۈردە ئامېرىكا باشلىق غەربنىڭ قارشىلىقىغا دۇچ كەلمەكتە.

خەۋەرلەرگە قارىغاندا، پرېزىدېنت بۇش يەنە پاكىستان باش مىنىستىرى بىلەن سۆزلىشىپ، ئۇلارنىڭ داۋاملىق تۈردە بىرلىكتە تېررورىزمغا قارشى كۈرەش قىلىشىغا پۈتۈشكەن ۋە ئافغانىستان ۋە باشقا مەسىلىلەر بويىچە پىكىر ئالماشتۇرغان. بۇلار ئىككىسى مىسىردىكى ئىقتىسادىي ھەمكارلىق يىغىنى جەريانىدا تۇنجى قېتىم كۆرۈشكەن ئىدى.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت