Президент буш оттура шәрқ зияритини ахирлаштурди

 Америка авазиниң хәвәр қилишичә, президент буш йәкшәнбә күни әрәб дөләтлири рәһбәрлирини иран вә сүрийиниң сиясәтлирини қобул қилмаслиққа дәвәт қилған шуниңдәк мисирдики иқтисадий һәмкарлиқ йиғинида нутуқ сөзлигәндә иран билән сүрийини тилға елип, уларниң сиясий вә иқтисадий җәһәттин чәкләш сиясити елип бериватқанлиқини тәнқид қилған шуниңдәк йәнә әрәб дөләтлирини иранниң ядро пиланиға қарши турушқа чақирған. Буш бу қетимқи сәпиридә йәнә әрәб дөләтлирини хамас тәшкилатиға қарши турушқа дәвәт қилған.

Нөвәттә, исраилийә - пәләстин мәсилиси оттура шәрқ кризисиниң ачқучлуқ нуқтисиға айланған болуп, америка һөкүмити пәләстин билән исраилийиниң тинчлиқ билән яришишқа чақирип, пәләстин дөлитиниң қурулуши қоллайдиғанлиқини билдүрмәктә. Бирақ, пәләстин һөкүмити ички қисмидики зиддийәт еғир болуп, хамас партийиси махмуд аббасниң фатаһ партийисини әйиблимәктә. Хамас исраилийини етирап қилмаслиқни шәрт қилған болуп, бу ғәрбниң қаршилиқиға учриған. Униң үстигә йәнә иранниң атом пиланиму изчил түрдә америка башлиқ ғәрбниң қаршилиқиға дуч кәлмәктә.

Хәвәрләргә қариғанда, президент буш йәнә пакистан баш министири билән сөзлишип, уларниң давамлиқ түрдә бирликтә терроризмға қарши күрәш қилишиға пүтүшкән вә афғанистан вә башқа мәсилиләр бойичә пикир алмаштурған. Булар иккиси мисирдики иқтисадий һәмкарлиқ йиғини җәрянида тунҗи қетим көрүшкән иди.