Xizbulla bilen isra'iliye tunji qétim almashturush élip bardi

Yekshenbe küni liwandiki hizbulla partiyisi qizil kirst jem'iyiti arqiliq buningdin ikki yil ilgiriki hizbulla partiyisi bilen isra'iliye arisida yüz bergen urush jeryanida öltürülgen ikki neper isra'iliye herbiy xadimining jeset qalduqlirini isra'iliye hökümitige tapshurup berdi.
Muxbirimiz ümidwar xewiri
2008-06-01
Share

 B b s agéntliqining xewer qilishiche, buninggha jawaben isra'iliye terepmu jasusluq jinayiti bilen eyiblinip alte yilliq qamaq jazasigha höküm qilin'ghan hizbullaning bir neper ezasini türmidin boshitip qayturup bergen.

Nesir isimlik mezkur hizbulla ezasi, eslide liwanda tughulghan bolup, kéyin isra'iliye puqrasi bolghan. Bu qétim isra'iliye hökümiti uni qayturup bergende uning puqraliqini bikar qilghan. Biraq u, liwanliqlar teripidin qizghin qarshi élin'ghan. Bu, 2006 - yilidiki urushtin kéyin, ikki terep arisida tunji qétim élip bérilghan almashturush hésablinidiken.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet