Исраилийә 199 нәпәр пәләстинлик мәһбусни дүшәнбә күни қоюп бериду

Исраилийә даирилири дүшәнбә күнидин тартип, 199 нәпәр пәләстинлик мәһбусни қоюп беридиғанлиқини елан қилған болуп, мәһбусларниң тизимликидики икки киши өзгичә икән, булар фатаһ партийисиниң әзаси муһәммәд әбу али билән сәйид әр атибадур.
Мухбиримиз үмидвар хәвири
2008-08-24
Share

 Бу икки кишигә, исраилийикләргә һуҗум қилип, адәм өлүшини кәлтүрүп чиқарған дегәндәк җинайәтләрни артилип, муддәтсиз қамақ җазасиға һөкүм қилинған икән.

Пәләстин һөкүмитиниң рәиси махмуд аббас исраилийиниң бу қәдимигә рази болғанлиқини билдүргән болуп, чүнки исраилийә рәһбәрлири бу қарарни бу айниң бешида махмуд аббас билән өткүзүлгән сөһбәт җәрянида алған һәмдә вәдә бәргән икән.

Көзәткүчиләр исраилийиниң бу қәдиминиң пәләстин билән исраилийә һөкүмити арисида тинчлиқни өз ичигә алға кәң даирилик бир келишимниң имзалиниши үчүн пайдилиқ икәнликини оттуриға қоюшмақта.

Пәләстин мәсилисини һәл қилиш үчүн тиришчанлиқ көрситиватқан америка ташқи ишлар министири райис ханим дүшәнбә күни исраилийә вә пәләстингә берип, икки тәрәп рәһбәрлири билән тинчлиқ вә келишим мәсилилири музакирә қилидикән.




Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт