5-Iyul xitayning tyenjin shehiride Uyghurlar yol tosup qarshiliq körsitish herikiti élip bardi

Xongkongdiki démokratiye uchur merkizining ashkarilishiche, xitayning tyenjin shehiride yashawatqan Uyghurlardin yüzlerche kishi, 5-iyul küni chüshtin kéyin sa'et 3 etrapida sheherning tangjyang dep atilidighan bazar etrapidiki xébéylu dégen kochigha topliship yol tosup naraziliq bildürgen.
Muxbirimiz shöhret hoshur
2012.07.09
Share on WhatsApp
Share on WhatsApp

Melum bolushiche, yéqinda tyenjinde yashawatqan Uyghurlardin 13 yashliq bir bala ghayib bolup ketken. Ghayib bolghan balining yéqinliri saqchigha bérip ehwal melum qilghanda, saqchilar weqege biperwa mu'amile qilghan we ghayib bolghan balining délosi üchün derhal heriketke ötmigen.

Netijide Uyghurlar xitay saqchilirining Uyghurlarning ghayib bolup kétish weqesige tutqan bu xil biperwaliqigha qarita yuqiriqidek shekilde naraziliq bildürgen. Uyghurlarning yol tosup naraziliq bildürüsh herikiti 20 minut etrapida dawam qilghan؛ buning bilen sheherning mezkur tewelikide éghir derijide qatnash qistangchiliqi peyda bolghan.

Radi'omiz xitayche bölümining bu heqtiki xewiride bayan qilishiche, shu küni weqe yüz bergen jaygha yüzdin artuq saqchi yétip kélip weqege arilashqan؛ emma yol tosup naraziliq bildürgen Uyghurlar bilen xitay saqchiliri arisida toqunush yüz bermigen.

Uyghurlarning tyenjinde yol tosup naraziliq bildürüsh herikitining xotende yüz bergen ayropilan bulashqa urunush weqesidin bir hepte kéyin'ge we 5-iyul künige toghra kélishi közetküchi we axbaratchilarning diqqitini tartti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.